هەكە گوندێن كوردستانێ نەبان شۆڕەش بەردەوام نەدبـوو
سالار محەمەد دۆسكی:
6- 6
خزمەت گوزاری چ نەبوون و رۆژ بۆ رۆژێ كاودانێن ژیانێ بەر تەنگ دبوون و نەخوش دبوون و تەنشت كەمپێ گوندەك بوو مە پەیوەندی ب موختارێ گوندی كر و گەلەك پێشوازیەكا جوان ل مە كر و زەڤیەك بوومە تەرخانكر و گۆت مریێن خوە بینە ئەڤێ زەڤیێ ڤەشێرن و خەلكێ ئەوی گوندی ئەو گورستان بوومە سیاج كر و ئێدی مە مریێن خە ب پیا برنێ و دماوێ ئەوان چار سالان دا پتر ژ 1000 كەسان مە ل كەمپێ ڤەشارتن و هەتا نوكە ژی ئەو مری ماینە ل وێرێ و ل دووف ئەوان كاودانان هندەكا بخوە ل دیف شیانێن خوە بخوە كێلی دروستكرن، ل كەمپا مێردینێ گەلەك هەوایەكێ بهێز دهات ستین دشكان و چادر پیچ دبوون و ئەو زارۆك و خێزان دمانە بێ چادر و بەر بارانێ و مە جهەك بۆ نڤێژا دروستكر بوو وەكی هولەكێ بوو و گەلەك جاران ئەو خەلك هەمی مە دبرنە هولا نڤێژا و من داخازا دیتنا والی كر و من بەحسێ كاودانێن ژیانێ ل كەمپێ بۆ كرن و بەحسێ چادرا كر و من داخازا هندەك چادرێن دی كر و دیسا من داخاز كر رێكێ بدەنە خەلكێ مە ئەو بخوە دروست بكەن و چادرێن باش بۆ خەلكێ مە بین دا باش دروست بن و رازیبوون ل سەر هات و چادر بۆ خەلكی و ئەرزاق دهات ب گراما مە دا خەلكێ خوە و سوپە هاتن مە دان و سەركەفتی نەبوون و گەلەك چادر سوتن و دیف دا دار دانە مە و خەلكێ مە بخوە دسوتن و دووف دا قەنینێن غازێ بۆ خەلكی هاتن و هەر لبن چادرا خارنا خوە دروستكرن و ژ ئەنجامێ چار سالێن ژیانا كەمپا مێردینێ گەلەك نیاسینی دناڤبەرا خەلكێ مە دا دروست بوو چونكە هەر هەمی سەرا كێشەكێ چووینە ئەو ژی كێشا كوردی بوویە و ژیانا هەڤژینیێ دناڤبەرا كچ و كوران دا دروست بوو و دەمێ ئەڤە چ دبوو من داخازا چادرەكێ بۆ بیك و زاڤا دكر و من داخاز دكر رێ بهێتەدان بیك و زاڤا بچنە باژێری بخوە هندەك تشتان بكرن چونكە دێ ژیانا هەڤژینیێ پێك ئینن و ئەرزاق مە وەرگرت و مە دەوات كرن و تایبەت بەرواری دەواتێن خوشكرن و ئاسهی و راڤینی و دەڤەرا دوسكیا ژی گەلەك دەوات كر بەلێ بەرواری یا دەواێن خوشكرن.
رزگار كەمەكی زێدەتر گۆت: لژنەك مە دروست كر بناڤێ لژنا بلند یا سەرپەرشتیا كەمپێ و ئەق لژنە هاتە دروستكرن بۆ چارەسەركرنا كێشێن جڤاكی دناڤبەرا خەلكێ مە دا و هەر ئەندامێ لژنێ ژ گوندەكی بوو و زێدەتر كێشێن جڤاكی چارەسەردكرن و د. حەمید باڤی، مام شەفیق زاخویی ئەمین ئوزمانی و گەلەكێن دی ژی ل گەل بوون و گەلەك جاران شەر دروست بوون ئەفێ لژنێ چارەسەردكر و مخابنی ڤە جارەكێ حالەتەكێ كوشتنێ ل كەمپێ دروست بوو و ئەو لژنە هاتە ناف و هەر ئەژی چوومە دەف و سوزدانە مە دنافا كەمپێ دا چ نەكەن و مە ژئێك دویركرن و هتا ئەو كەسێ كوشتن كری مە ژ زیندانێ دەرخستی و ئەوا دگۆتن دێ رادەستی حوكمەتا ئیراقێ كەین و من گۆتێ دێ دناڤبەرا هەر دو خێزانان دا نەخوش زێدەتر لێ هێت و خێزانا كەسێ هاتیە كوشتن سوزدا چ نەكەن دناف كەمپێ هەتا ژ كەمپێ دەركەڤن.
رزگار كەمەكی هەروەسا دبێژیت: پشتی سەرهلدان دروست بووی و دەڤەرێن كوردستانێ هاتینە ئازادكرن و كەفتینەدەستێن كوردان دا و بەردەوام مە پەیوەندی ل گەل سەركردایەتی یا كوردستانێ و جەنابێ سەرۆك بارزانی هەبووینە و گەلەك جاران راستەوخو ل گەل كاك فازل میرانی و ب رێكێن نهێنی مە ئاخفتینە و ل دووف شیرەت و ئاموژگاریێن جەنابێ سەرۆكی هەر دەم دگۆت خوە راگرن و سەرپەرشتیا هەمی خەلكێ خوە بكەن خزمەتێ بكەن و شیرەت دانە مە بۆچوونێن مە دهاتنە وەرگرتن و تەوجیهات بەردەوام بوومە دهاتن و مە ژی دانە خەلكێ خوە و مە لژنەكا حزبی یا پارتی هەبوو و مە لژنەكا پارتێن سیاسی ژی هەبوو و لژنا بەرەی كوردستانی بوو.
كەمەكی ئەو ژی گۆت: هەر دناف كەمپێ مە قوتابخانە ڤەكربوو و دیسا زارۆك چوونە مزگەڤتان فێری خواندنا قورئانێ دبوون و جارەكێ ل هەرسێ كەمپان نانێ ژەهركری ل سەر خەلكی هاتنە بەلاڤەكرن و حەبك دناڤ دا بوون و هشیار زێباری كامیرەك بوومە هنارت و ب رێكێن نهێن و ل گەل رۆژنامەڤانەكی .
رزگار كەمەكی زێدەتر گۆت: ژلایێ جەنابێ سەرۆكی ڤە هاتمە ئاگەهداكرن كو كەمپێ بەرنەدەت و ل گەل خەلكی بیت و ئەم دو كەس بۆ ئەڤی بابەتی هاتبووینە راسپاردن و خەلكێ مە هێدی هێدی چوونە دەرڤە و كار بخوە دكر و تایبەت سالێن دووماهیێ و مە كوم چێكرن و هەر كومەك 15 هەتا 20 مرۆڤان و مە رەوانەكر بۆ كوردستانێ و پشكداری سەرهلدانی، بوون و ئەڤە هەمی ب رێكێن جودا جودا بووینە و ئەڤە هەمی لدوف داخازا خەلكێ مە بوویە
كەمەكی گۆت: رێكەفتنەك دناڤبەرا هەر دو حوكمەتێن توركیا و ئیراقێ هاتبووكرن كو 136 كادرێن پارتی رادەستی بەغدا بهێنەكرن و ئەو ژی 136 كادرێن پەكەكێ ڕادەستی توركیا بكەن بەرامبەر و مەترسی ل سەر گیانێ گەلەك كادرێن پارتی بوون ل كەمپێن توركیا و ئێك ژ ئەوان كادران ئەز بووم، و مە راگەهاندنێ بەلاڤەكر و رێكخروێن بیانی هاتن و ئەوا رێكخروا گۆتن دێ كومەكێ بەینە دەرڤە و هندەك چوونە كەندا ب ئەڤان كاودانێن نەخوش دا ، پشتی سەرهلدانێ شاندەكێ بەرەی كوردستانی ب سەرۆكاتیا د.كەمال كەركووكی و نوینەرێن چەندین پارتێن سیاسی سەر كەمپێ دا و خەلكی پێشوازیەكا باش لێكر و كەیفا خەلكی ژی گەلەك هات بوو و پاش ل گەل ئەوی شاندی چوومە دەف والیێ دیاربەكر و مێردینێ و ئەوی زمانێ توركی ژی زانی و سلاڤێن بەرەی كوردستانی و جەنابێ سەرۆكی گەهاندنێ، و دوڤدا خەلكێ مە بگشتی هاتنە كوردستانێ و بتنێ هندەك مابوون ئەو ژی مابوون سلوپی و ناڤێن وا هاتبوون ل گەل رێكخراوا كو بچنە دەرڤە و چاف پێكەفتن ژی كربوون و ئەو ژی هندەك چوون و هندەك ژی زڤرینە كوردستانێ.
