هەلبژارتنێن یانەیێن شێلادزێ و تەناهی هاتنە پاشئێخستن
ئەڤرۆ
د داخویانیەكێ دا رێڤەبەرێ وەرزشی ل پارێزگەها دهۆكێ دیار كر ل دووڤ داخوازییا هەردو یانەیێن شێلادزێ و تەناهی بڕیار هاتە دان هەلبژارتنێن وان بوو ژڤانەكی دی یێ نێزیك هاتنە پاشئێخستن، سەرباری یا چاڤەڕێ بوو دوهی هاتبا نە ئەنجامدان.
زێدەتر سەفەر جەعفەر بۆ رۆژناما ئەڤرۆ گۆت: بڕیار بوو بەری ب دووماهی هاتنا ئاهنگێن نەوروزێ و ئادارێ ئەو یانەیێن نوو هاتینە دامەزراندن و كاراكرن هەلبژارتنێن خوە بكەن ژبۆ دەستنیشانكرنا كارگێریا نوو بۆ چار سالێن بهێت كو ل دووڤ رێنمایێن رێڤەبەریا گشتی یا وەرزشی ل هەرێما كوردستانێ و یاسایا ئیراقێ یا سالا 1986ێ، ژ هەر پێنچ یانەیێن پێدڤی ب هەلبژارتنا هەتا نوكە سێ ژ وانا هەلبژارتنێن خوە ئەنجامداینە ئەو ژی باتیفا، دینارتە و پیرس لێ ب تنێ هەردو یانەیێن شێلادزێ و تەناهی ماینە ئەوێن بڕیاربوو دوهی هاتبانە كرن، ل سەر داخوازا وان بۆ دەمەكێ دی یێ نێزیك هاتە پاشئێخستن كو دبیت دماوەیێ ڤان دو حەفتیێن بهێت دا دەستپێبكەن.
ل دۆر ئەگەرێن پاشئێخستنا هەلبژارتنێن هەردو یانەیان ناڤهاتی گۆت: یانەیێن تەناهی و شێلادزێ داخوازا زێدەتر دەمی ژ مە كریە كو دەلیڤێ ب دەینێ ژبۆ باشتر خوە بەرهەڤ بكەن و لیستا دەستەكا گشتی ب شێوەكێ رێكخستی بهێتە دروستكرن، لەوما ژبۆ بەرژەوەندیا وەرزشا هەردو یانەیان و زێدەتر دەلیڤە رازیبووین ل سەر پاشئێخستنا هەلبژارتنێن وان كو بڕیارە بۆ ماوەیێ بهێت ژ هەیڤا رەمەزانا پیرۆز نە بووریت، ئەڤە ژی وەكو پێنگاڤەك پێخەمەت پشتەڤانی بۆ سەركەفتنا پرۆسێسا هەلبژارتنێن هەردو یانەیان.
