هەلبەستڤانا كورد (دیا جوان ) مالئاڤایی كـر
هەلبەستڤانا كورد (دیا جوان) پشتی چەندین سالێن خزمەتێ د نڤیسینا ئەدەب و كەلتورێ كوردی دا، ب مخابنی ڤە دوهی 26/2/2025 مالئاڤایی كر.
هەلبەستڤانا كورد دیا جوان ل سالا 1953 ژ دایك بوویە، ل سالا 1966ێ ل باژێرێ قامشلۆ ژیانا هەڤژینیێ ل گەل بابێ جوانی پێك ئینابوو، ل سالا 1975 ل گەل خێزانا خوە قەستا شامێ دكەن، ل سالا 1977 دەست ب نڤیسینا هەلبەستێ كریە، هەلبەست و چیرۆكێن خوە ب زمانێ كوردی نڤیسینە و د پتریا گوڤار و رۆژنامەیێن كوردی دا هاتنیە بەلاڤەكرن، هندەك ژ هەلبەستێن وێ بۆ زمانێ عەرەبی هاتینە وەرگێڕان.
هەلبەستڤانا وەغەركری، دژیانا خوە دا ئەنداما چەندین كۆمیتە و رێكخستنێن گرنگ بوویە، دیسا شیایە گەلەك خەلات و دەستخوشیێن رێزلێنانێ وەربگریت، هەروەسا گەلەك پرتووك ل سەر هۆزان و كەلتۆرێ كوردی ب هەردو زمانێن عەرەبی و كوردی نڤیسینە، ماوەكێ درێژ بوو یا ئاكنجی بوو ل باژێڕێ دهۆكێ، ب مخابنی ڤە دوهی رۆژا چارشەمبی 26/2/2025 مالئاڤایی كر و ل گۆڕستانا سەرتەنگێ ل دهۆكێ هاتە ڤەشارتن.
