هەلبەستێن ب ناڤێ زیلانێ
دەمهات دێركی / ئەلمانیا
ژبۆ خورازیا من زیلان نوورەدین ئەهمەد گورزەك هەلبەستا.
دەما تو بچێ زیلان
دەما تو بچێ زیلان
دێ بهار بمرێ،
باران دێ ببارێ،
قادا جەنگێ دێ بێ دەنگ بە
دێ ئەنیا ل وی ئالی
ئەنیا ل ڤی ئالی
درووشمەیان بلند بێژن
مادەم چوویی زیلان ئەڤ شەر ژبۆ چیە،
و د نیڤا دلێ من دە ژی
دێ داربەستێن خوەشكبوونێ ببۆرن.
ئیرۆ زیلان
ئیرۆ زیلان
دەما ل بن بارانێ دمەشیام
دا باران نەسەكنێ
من ناڤێ تە ل سەر دلۆپێن بارانێ دنڤیساند زیلان زیلان زیلان
دا خوەشكبوونا كەسكاهیا چاڤێن تە بمینێ
من ناڤێ تە ل سەر پەلان دنڤیساند زیلان زیلان زیلان
و دا دلێ من بمینێ ژیندار
من دكر دار
ل سەر دنڤیساند زیلان زیلان زیلان..
دووریا زیلان
دا دووریا تە نێزیك بكم زیلانێ
من دل كرە دیوارەك ژ وێنەیێن تە
دەنگێ تە ژێ دهات
رەنگێ تە ژێ شەوق ددا
وێ دەمێ
ژیان ژی
دبوو گرنژینا چاڤێن من.
درووشمەیێن زیلانێ
دەما تو تێ بیرا من زیلان
خوەشك بوون،
هەزكرن،
گیان پاكی،
فەدەكاری
و فردانا كەڤۆكان
ل ئەزمانێ ئازادیێ تێ بیرا من.
