هەلوەستێن هندەك لایەنێن كوردی ل بەغدا دژوارترن ژ یێن دەستهەلاتدارێن ئیراقێ
زیاد میرزا كانیباسكی
پشتی سەركەفتنێن ئێك ل دویڤ ئێك یێن كابینەیا نەهێ ل هەرێما كوردستانێ ب سەرۆكاتیا بەرێز مەسرۆر بارزانی د هەمی سەكتەرێن ژیانێ دا و دابینكرنا هەمی جۆرێن خزمەتگوزاریا بۆ وەلاتییان و ئەنجامدانا چەندین پرۆژەیێن سراتیژی ل هەمی دەڤەرێن هەرێما كوردستانێ بێ جێوازی سەرەرای چەندین قەیرانان، وەكی قەیرانا دارایی ژ لایێ حوكمەتا ئیراقێ ڤە كو بێ هیچ بهانە بوجا و مووچێ فەرمانبەر هەرێمێ راگرت و هاتنا ڤایرۆسێ كۆرۆنا (كۆڤید 19) ئەرزانبوونا بهایێ نەفتێ دبن ۲۰ دۆلار دا و چەندین بریارێن دژوار یێن دادگەها فیدرالی. ئەم شێن بژین هەمی لایەنێن سیاسی دژنتیەكا ب هێزا حوكمەتێ دكر، بەلێ سەڕۆك وەزیرێ هەرێما كوردستانێ شیا بەرسینگێ ڤان هەمی ئالنگاریا و قەیرانان بگریت و بەرڤان ژ هەمی دەستكەفتێن گەلێ كورد بكەت و خۆ راگریت و هەرێما كوردستانێ دەربازی قۆناغەكا دی بكەت، یا من دڤێت بێژم هندەك لایەنێن سیاسی كوردی یێن بووینە پارێزەرێن دوژمنان بیێ هیچ راستیەكێ ببین پێش چاڤێن خۆ وان حوكمەتا هەرێما كوردستانێ تۆمەتبار دكر و رۆژ بۆ رۆژێ گۆتنێن نەراست دەرە و بۆ خەلكی دگۆتن یاری بۆ خۆ ب هەست و دەروونێ مووچەخورێن هەرێمێ دكرن. سەرەرای نێزكێ سێ هەیڤان حوكمەتا ئیراقێ چ مووچە نەفرێكر ئێك ئەندام پەرلەمانێن لایەنێن سیاسی كوردی بەغدا ژ بلی (پ.د.ك) ئێك پەیڤ ل هەمبەری حوكمەتا ئیراقێ دا نەگۆت. ئەز دێ ڤێ بەلگێ ددەمە دیاركرن (ل دویڤ یاسایا بودجا ئیراقێ بۆ سالا ۲۰۲٤ كو هاتیە پەسەندكرن ل پەرلەمانی بەهرا هەرێمێ دبیتە ۱۲./. بودجەیا گشتی یا ئیراقێ دبیتە ۲۰ ترلیۆن دینار و بەس مووچە بۆ ۱۲ هەیڤا دبیتە ۱۲ ترلیۆن دینار و ٨ ترلیۆن دینار بۆ بۆدجا پرۆژەیێن هەرێمێ ل دویڤ گۆتنا وەزیرا دارای دبێژن مە ۱۱ ترلیۆن یێن فرێكرین بەشێ مایێ دبیتە ۹ ترلیۆن دمین)، ژنوی وژدانا ڤان لایەنێن سیاسێ كوردی ل بەغدا تایبەت یەكگرتۆ ئیسلامی و كۆمەلا دادگەری یا هەرێما كوردستانێ تۆمەتبار دكەن. یا گرنك من دڤێت بێژم ب دەستپێشخەریا سەرۆك وەزیرێ هەرێما كوردستانێ بەرێز مەسرۆر بارزانی كۆمبوونەك هاتە ئەنجامدان ب بانگەشەكرنا هەمی لایەنێن سیاسی یێن پشكداری حوكمەتا هەرێمێ و هەمی وەزیرێن كورد ل بەغدا و هەمی سەرۆك فراكیسۆنێن كوردی یێن پەرلەمانێ ئیراقێ، لێ مخابن ئەوێن رۆژانە خۆ دكەنە خۆفرۆش و خەلكی سەردا دبن ب هزاران گۆتنێن نەراست بێ بەلگە حوكمەتا هەرێمێ نەهەقدان پشكداری كۆمبوونێ نەبوون زانی دێ خۆفرۆشیا وان ئاشكەرابیت. بەلێ بەرێز مەسرۆر بارزانی ب گۆتنەكا زۆر گرنك گۆت (ئەوێن بۆ پرسێن نـشتیمانـی پشكداری كۆمبوونا هەولێر نەبووین دێ بەر دادگەها وژدانـا خەلكێ كوردستانێ كەڤن) ئەگەر راست ئەڤ لایەنێن سیاسی كوردی ل هەرێما كوردستانێ خەباتێ بۆ بەرژەوەندیا خەلكێ مە دكەن. ئەو راست نابێژن بەلگە بۆ ڤێ چەندێ د هەمی وەلاتێن دیموكراتی لێ لایەنێن ب هەلبژارتنان سەردكەڤن و دئێنە سەر دەسهەلاتێ حوكمەتێ پێكدئینن. دەمێ كێشەیێن ناڤخۆی رەخنێ ل دەسهەلاتێ دگرن و دەمێ كێشەك بۆ وەلاتێ وان چێدبیت ژ لایێ وەلاتەكێ دی یان حكومەتێن دی، پێكڤە دەسهەلات و ئۆپزسیۆن دجبنە ئێك هەلوەست.
