هەلگرێ كەسەران

رەمەزان ئیسماعیل گەرەگوهی

هـەتا..من دلبەرەك دیتی و
بۆ ڤی دلێ خوە ژێگرتی
ژ ناڤ سەد و ئێك دلبەرا و
بوویمە ئاشقێ بەژنا وێ و
شەڤ و ڕۆژا ل بیرا من بوو
پتر ژ هەمـــی كەزی زەرا
كەڤتیم دەردێ ئەڤینا وێ و
دلێ من بجارەك شـەوتی و
جەگەر دایە بەر خەنجەرا
پاشی پرسیم ژ مرۆڤێن باش
خودانێن بۆری و سەربۆرا و
ژ هەمـی دەلیل و ڕێبـەرا
مەلا و ڕیه سپی خڕڤەكرین
بۆ مالبابێ ب ڕێ ئێخسـتین
ژ گوند و وار و دەڤــــەرا
كراس و فیستان بۆ دروین
نیشانی دگەل خۆ بۆ برین
ژ زیـڤ و زێـڕ و گەوهــەرا
كوزۆت و پۆشی بۆ ئیناین
بەلبیك و مۆری بــۆ كڕین
د گەل ستوڤانك و كەمەرا
عەمر بۆری مینـا خـەونــێ
بوومە ئێخسیر و بەنـدەوار
كەڤتـم ناڤ ئێش و قەدەرا
بوومە خودان كول وكۆڤان
بێ مال وبێ سەر وسەمیان
مینــا ســێوی و دەربــەدەرا
بێ كار و بـێ هێـز و شـیان
بێ دۆست و هەڤال و ڤیان
بوومـــە هەلگـرێ كـەسـەرا

کۆمێنتا تە