هەموو ئامادەكاری بۆ چێكرنا كۆڕنیشێ سكرێ دهۆكێ هاتینە كرن
ئەمیر ئەترووشی:
ماجد سەید سالح، جێگرێ پارێزگارێ دهۆكێ بۆ رۆژنامەیا ئەڤرۆ دیار كر، بۆ دروستكرنا قوناغا ئێكێ یا كورنیشی پێدڤی ب 20 ملیار دینارایە و درێژاهییا كورنیشی زێدەترە ژ 4 كیلومەتران و چاڤەڕێنە د ئەڤسالەدا بچیتە د وارێ بجهئینانێدا و گۆت: ل دەمەكێ نیزیك دێ بەرێ بنیاتی بۆ پاركا پیشەسازییا كەڤن و پاركا ئالۆكا هێتە دانان كو پاركا ئالۆكا دگەهیتە نێزیكی 200 دۆنەمێن ئەردی نە. پارە بۆ پڕۆژێ ڕووبارێ هشكەڕوو هاتینە دابینكرن كۆ ژ گەلیێ بێسرێ دەستپێدكەت هەتا ئالۆكا و ب دوو قوناغان كو قوناغا ئێكێ 8 كیلۆمەتر و قوناغا دووێ ژی 8 كیلۆمەترە و د هەیڤا شەش یا ئەڤسالە دا دێ بەرێ بنیاتی بۆ هێتە دانان.
ماجد سەید سالح: ل سەر دەمێ كابینا نەهێ یا حكومەتا هەرێما كوردستانێ پتر ژ 900 پرۆژە ل دهۆكێ هاتینە بجهئینان.
جێگرێ پارێزگارێ دهۆكێ دیاركر، ل سەر دەمێ كابینا نەهێ یا حكومەتا هەرێما كوردستانێ پتر ژ 930 پرۆژە ل پارێزگەها دهۆكێ هاتینە بجهئینان ئەڤ سالە چەند جادەێن سەرەكێ ل دهۆكێ دێ بنە جووت ساید وەكو جادا باعەدرێ بۆ دهۆكێ و جادا سەرسنك بۆ دێرەلوك».
ماجد سەید سالح، جێگرێ پارێزگارێ دهۆكێ راگەهاند ژی، ئەڤ سالە 2024ێ رازیبوون ل سەر بجهئینانا چەندین پرۆژێن نوو هاتیە كرن، ژ وانا ژی چێكرنا جادا و پرۆژەێن گەشت و گوزارێ و یاریگەه و ئاڤ و كارەب و پەروەردە و ساخلەمیێ و دێ ل شێلادزی یاریگەهەك هێتە دروستكرن دگەل چێكرنا پرۆژێ كورنیشێ شێلادزێ و ل قەزا سێمێلێ دێ یاریگەهەك هێتە چێكرن، نوكە ئەڤ پرۆژە هندەك چووینە قوناغا تەندەرێ دا پشتی دهێنە راگەهاندن دێ دەست بجهئینانا وان هێتە كرن و ل هەموو قەزا و ناحیا دێ پرۆژە هێنە بجهئینان».
ماجد سەید سالح ئاشكەرا كر، جادا باعەدرێ هەتا دهۆكی گەلەك یا گرنگە و حكومەتا هەرێما كوردستانێ گەلەك گرنگیێ ڤە ئەڤ پرۆژە وەرگرتیە، دێ جادا باعەدرێ هەتا دگەهتە دهۆكێ كو هەر ژ ئوڤەرپاسا ناحیا باعەدری هەتا زالگەها ئێتوتی هەموو دێ بیتە جووت ساید، ئەڤ پرۆژە هاتیە گەنگەشەكرن و بریار هاتیە دان جادە ببیتە جووت ساید و نوكە پرۆژە د قوناغا دیزاین و ڤەدیتنێ دایە، پشتی ب دووماهی دهێت دێ دەست بجهئینانا پرۆژەی هێتە كرن».
خۆیا ژی كر، ل دهۆكێ بەردەوام پرۆژەێن گرێدایێ ژین وژیارا وەلاتیان دهێنە بجهئینان وەكو پرۆژێن ئاڤێ و جادا و كارەب و پەروەردا و ساخلەمیێ و ئەڤ سالە دێ دەست ب پرۆژێ كورنیشی بەنداڤا پارێزگەها دهۆكێ هێتە كرن بۆ پتر سەرنج راكێشانا گەشتیاران بۆ پارێزگەها دهۆكێ«.
جێگرێ پارێزگارێ دهۆكێ، تەكەز كر، حكومەتا هەرێما كوردستانێ گەلەك گرنگیێ چێكرنا جادەیان دەت، ب تایبەتی ژی ناڤبەرا پارێزگەها دهۆكێ و هەموو قەزا و ناحیێن سەر دهۆكێ ڤە پلان هەیە هەموو جادە بنە جووت سایدە نوكە ژی رازیبوون هاتیە كرن ل سەر چیكرنا جادە ناحیا سەرسنكێ هەتا دێرەلوك دێ بیتە جووت ساید ئەڤ سالە دێ پرۆژە كەفتە وارێ بجهئینانێدا، هەتا 40 كیلۆمەتران دێ جادە هەموو بیتە جووت ساید».
رێڤەبەرێ گشتیێ گەشت و گوزارا پارێزگەها دهۆكێ دیاركر، ل سەر دەمێ كابینا نەهێدا كەرتی گەشتیاری گەلەك پێشڤەچوویە ب تایبەتی ژی ل پارێزگەها دهۆكێ گەلەك گرنگیێ ب گەشت و گوزارا دهۆكێ هێتە دان و چەندین پرۆژین گرنگ گەشتیاری دهێنە بجهئینان».
د. خەیری عەلی، رێڤەبەرێ گشتیێ گەشت و گوزارا پارێزگەها دهۆكێ ئاشكرا كر، حكومەتا هەرێما كوردستانێ ب سەروكاتیا مەسرور بارزانی، گەلەك گرنگی دایە كەرتێ گەشت و گوزارێ ل سەنتەرێ دهۆكێ دێ بیتە جهەكێ مەزن یێ گەشتیاری ل پاشەرۆژا گەشت و گوزارا دهۆكێ دێ گەلەك یێ گەش بیت هەمی هەولدان ئەون دهۆك ببیتە پایتەختێ گەشتیاری، ئەم هیڤدارین بگەهینە ڤێ ئارمانجی و رۆژانە ل دهۆكێ جهێن گەشتیاری یێن دهێنە ڤەكرن گەلەك گرنگی ب كەرتی گەشتیاری هاتیە كرن، ئەڤە بوویە ئەگەر خەلك ب خۆ جهێن گەشتیاری ڤەكەن و تێدا كاربكەن و چەندین دەلیڤێن كاركرنێ ب ریێا كەرتی گەشت و گوزاری بۆ وەلاتیان پەیدابووینە».
ئاشكرا كر، گەلەك پرۆژێن گرنگ یێن گەشتیاری هاتینە بجهئینان ئەڤ پرۆژە بووینە ئەگەر گەشتیار پتر قەستا دهۆكێ بكەن نەخاسمە ژی ل دهۆكێ و ئامێدیێ و سەرسنك كو نوكە ئوتێلەكا حجری ل سەرسنكێ یا دهێتە نووژەنكرن و دەستپێكا چێكرنا ڤێ ئوتێلی بۆ سالێن پێنچیان دزڤریت، گەلەك گرنگە بۆ گەشتیاری نوكە ب رێژا 95% ئوتێل حجری ب دووماهی هاتیە و بەردەوام كار تێدا یێ دهێتە كرن».
رێڤەبەرێ گشتیێ گەشت و گوزارا پارێزگەها دهۆكێ گۆت: پرۆژێ تلفریكا سەرسنك و تلفریكا چیایێ گارە و ئوتێلا مەزن دگەل كۆمەلگەهەكا تەمام گەشتیاری ل ئامێدی ژ هێتە چێكرن و ئوتێلەكا پێنچ ستر یا دهێتە چێكرن».
د. خەیری عەلی گۆت ژی: سكرێ دهۆكێ ژی بەری چەند رۆژان كۆمبوونەك ل سەر هاتیە ئەنجامدان و دێ بیتە جهەكێ گرنگ گەشتیاری ل زاخۆ و شێخان و ئاكرێ ژی پرۆژەێن گرنگ گەشتیاری هێنە دروستكرن گەلەك پرۆژە یێن هاتینە گەنگەشەكرن بوونە پلان بۆ پیشڤەبرنا كەرتی گەشتیاری ل دهۆكێ «.
