هەموو بزاڤێن من ئەو بوون ببمە كەسەكێ شارەزا د وارێ تەكنولوژیایێ دا

بێوار حەمدی:

نیهات گەنجەكێ باژێرێ دهوكێ یە و شارەزایەكا باش د هەموو جورێن موبایلان دا هەیە و ب تایبەتی ئایفونێ، نیهاتی گۆت: پشتی من پەیمانگەه ب دووماهی ئینای، هەموو هەول و بزاڤێن من ئەو بوون ببمە كەسەكێ شارەزا د وارێ موبایلا و تەكنولوژیایێ دا.

نیهات فەیسەل، گەنجەكێ خودان شیانە و ئاكنجیێ باژێرێ دهوكێ یە د دیدارەكێ دا بۆ رۆژناما ئەڤرۆ گۆت: ژ ساڵا 2020 وەرە من خۆ فێری پرۆگرامێن موبایلان كریە، ل ساڵا 2018 پشتی من پەیمانگەها كومپیوتەری ب دووماهی ئینای، هەمی هەول و بزاڤێن من ئەو بوون ببمە كەسەكێ شارەزا د وارێ موبایلا و بەرمەجێ دا و گۆت (من شارەزایەكا باش د هەموو جۆرێن موبایلێ دا هەیە، بەلێ ب تایبەت ئایفونێ و كارێ بەرمەجەكرنێ من پتر حەز ل سەر هەیە).
نیهاتی گۆت ژی: ل دەسپێكێ هەر هەڤالەكێ ئاریشەیەك د موبایلا خۆ دا هەبا من ب هووری بەرێخودایێ‌ و search دكر كا ئاریشە چیە و هۆسا هێدی هێدی فێربووم و گۆت: (د نوكە دا جیهان هەموو یا بوویە موبایل و ئەنترنێت، ژ بەر هندێ من ئەڤ كارە هەلبژارت و ب ڕێیا موبایلا خۆ خۆ فێركر، هەر چەندە ب رێیا ڤان فێركاریان هیچ داهاتەك ژی بۆ من ناهێت، بەلێ ژبەركۆ حەزا من بویە و ب تایبەت د نۆكە دا هەر تشتەكێ تە دڤێت بزانی و فێرببی ل سەر ئەنترنێتێ بەردەستە و بێ بەرامبەرە).

کۆمێنتا تە