هەموو بیرەوەریێن ئادارێ و نەورۆزێ ل دهۆكێ دێ هێنە ساخكرن
ئەڤرۆ
هەرهین محەمەد:
حەسەن فەتاح، پەیڤدارێ رێڤەبەریا گشتی یا رەوشەنبیری و هونەری ل دهۆكێ، د دیدارەكێ دا بۆ رۆژناما ئەڤرۆ بەرنامەیێ هەلكەفتێن ئادارێ و نەورۆزێ دیاركرن و گۆت: ب پشتەڤانیا پارێزگارێ دهۆكێ هژمارەكا چالاكیان دێ ل دهۆك و سێمێلێ و ئاكرێ هێنە ئەنجامدان، ژوانا رۆژا چاردەی ئادارێ ب هەلكەفتا سەرهدارنا دهۆكێ و ژدایكبوونا بارزانیێ نەمر دێ ئاهەنگەك و هەوەكا دارچاندنێ ل دهۆكێ وسێمێلێ هێنەگێڕان، ل یازدەی ئادارێ دێ پێشانگەهەكا فوتۆگرافی ب ناڤێ دهۆكێ دچافكێ كامیرێ دا دێ هێتە ڤەكرن و ل سێزدەی ئادارێ كوڕەكێ هوزان خواندنێ ل سێمێلێ و ل شازدەی ئادارێ خولا پازدێ یا گەلەریا دهۆكێ دێ هێنە ڤەكرن، ل ئێڤارا بیستێ هەیڤێ كەرنەڤالێ هەلكرنا ئاگری نەورۆزێ دێ هێتە گێران و ل بیست و حەفتی ئادارێ رۆژا جیهانیا شانۆیێ ل دهۆكێ و سێمێلێ دێ هێتە ساخكرن.
