هەموو سترانبێژ نەشێن سترانێن فۆلكلۆری بێژن
هەرهین محەمەد:
نەجات گیزەرەشی، سترانبێژێ كوچكودیوانان ل باژێرێ وانێ، دیدارەكێ دا بۆ ئەڤرۆ گۆت: ئەز هەموو جۆرێن سترانان دبێژم، بەلێ یێن دەڤەرا سەرحەدێ نابێژم، چنكو دبیت وی حەقی نەدەمێ و كێم سترانبێژ هەنە ڤێ راستیێ دبێژن و دبینم هەكە مرۆڤ حەقێ سترانەكێ نەدەتێ نەبێژیت باشترە و گوهداریا هەموو سترانبێژێن كۆچكودیوانان دكەم ب تایبەتی (خەلیل باكۆزی) گەلەك داخبارێ دەنگێ وی مە، لەورا بەردەوام داخواز ژ من دهێتە كرن سترانێن وی بێژم، ژوانا سترانا (قەمەرێ، لاوكێ مەعدەنی، ئسماعیلێ خەلیل و بەیازێ) و گەلەكێن دی. هەروەسا گۆت: گوهدارێ سترانا كوچكو دیوانان چو جاران كێم نابیت و بەرۆڤاژی رۆژ بۆ رۆژێ د زێدەبوونێ دایە، چونكو سترانبێژن گەنج حەزژ سترانێن فۆلكلۆری دكەن و ل دەواتان بێژن، ژبەر ڤێ چەندێ چ جاران سترانێن فۆلكلۆری بەرزە نابن، لێ هەموو سترانبێژ نەشێن بێژن چنكو ب زەحمەتن.
