هەموو سترانێن من ل دەف من دگرنگن
سندس سالح سلێڤانەیی:
سترانبێژ (ئیڤان لبنان) د دیدارەكێ دا بۆ رۆژنامەیا ئەڤرۆ گۆت: دەمێ من دەست ب سترانگۆتنێ كری كەسێ هاریكاریا من نەدكر و ئاستەنگ بۆ من چێدكرن، لێ ئەز هەر یێ بەردەوامبووم، چنكو سترانگۆتن ل گەل خوینا من تێكهەل بوو، لەورا من بەردەوامی دایێ هەتا سالا 2006 بۆ جارا ئێكێ ل ئامادەیا زاخۆ ئەز چوومە سەردەپێ شانۆیێ و من ستران گۆتن و ل 2011 سترانا منا ئێكێ ب ناڤێ (شانس) هاتە بەلاڤكرن.
هەروەسا گۆت: من حەزژ دەنگێ گەلەك هونەرمەندان كریە و كارتێكرنا وان ل سەر من هەبوویە، بۆ زانین من چو ستایلێن تایبەت نینن، بەلكو ئەز سترانان ب ستایلێن جودا دبێژم و هەموو سترانێن من ل دەف من دگرنگن، هەروەسا ئەز گەلەك حەزژ سترانێن فولكلۆری ژی دكەم و ب دیتنا من نوكە مۆزیكا كوردی د ئاستەكێ خراب دایە، ژبەركو لڤی دەمی ستران و مۆزیك یێن بووینە بازرگانی، هەروەسا من بزاڤ كرینە ئەز ب خوە بۆ سترانێن خوە پەیڤ و ئاوازان چێكەم، چنكو نابیت هونەرمەند هەردەم خوە بهیڤیا خەلكەكی ڤە بهێلیت و دڤێت ئەو ب خوە بۆ خوە كاربكەت، چنكو هندەك سترانبێژ هەبوون بهیڤیا خەلكی ڤە بەرنیاس بوون، بەس هەر ئەو ب خوە پشتی دەمەكی كەفتن.
