هەموو كەس نەشێن سترانێن راپێ ببێژن
بێوار حەمدی
راپەرێ گەنج (عامر سەدیق) د دیدارەكێ دا بۆ رۆژنامەیا ئەڤرۆ گۆت: ئەڤە بۆ دەمێ حەفت سالانە دناڤ جیهانا هونەرێ راپێ دا و هەتا نوكە من (33) راپ هەنە، لێ بتنێ من (22) ژوان بەلاڤكرینە و دێ یێ بەردەوامبم.
هەروەسا گۆت: ب دیتنا من هەموو كەس نەشێن سترانێ راپێ بێژن، ژبەركو راپ نە بتنێ چەند گۆتنەكن دێ مرۆڤ دانیتە یەر ئێك، بەلكو دڤێت مرۆڤی شیانێن باش یێن دەنگی و گۆتنێ هەبن و خۆشیا وێ ژی ئەوە كو دلێ مرۆڤی یێ ئارام بیت و ل سەرانسەری جیهانێ حەزژێكەرێن وێ دزۆڕن، بەلێ ب مخابنی ڤە ئەم یێ ل وەلاتەكی دژین ب چاڤەكێ كێم بەرێ خۆ ددەنە سترانێن راپێ، ژبەر هندێ ژی چ هاریكاری و پشتەڤانی بۆ مە نینە، لێ دبەردەوامین و ژبۆ دەمێ بهێت من بەرهەڤی بۆ چێكرنا هژمارەكا كلیپان كریە، كو ئێك ژوان گرێدای یانەیا دهۆك یا وەرزشی یە، كو ل دەمەكێ نێزیك دێ وێ بەلاڤكەم.
