هەموو وەلاتێن جیهانێ چاڤەڕێی هەلبژارتنێن ئەمریکا نە
ئەڤرۆ ئێک ژ هەلبژارتنێن هەری گرنگ د دیرۆکا ئەمریکا دا دێ هێنە کرن و نە تنێ وەلاتیێن ئەمریکا بەلکو هەموو وەلاتێن جیهانێ ژی چاڤەرێی هەلبژارتنێن ئەمریکا نە.
چاڤدێرێن سیاسی دیار دکەن، ئەڤ هەلبژارتنە د دەمەکێ دا دهێنە کرن کو ل جیهانێ شەڕەک مەزن هەیە، شەڕێ ئۆکرانیایێ و رۆسیا، شەڕێ ئسرائیلێ ل گەل حەماس و حزبوللاهێ و ناکۆکیێن وێ یێن مەزن ل گەل ئیرانێ و گەلەک پرسێن دی ل جیهانێ هەنە، ژ بەر کو دیموکراتی و کۆماری ل ئەمریکا نێرینێن وان سەبارەت ب چاوانیا سەرەدەریکرن ل گەل پرسێن جیهانێ جودا نە، ژ بەر ڤێ یەکێ ژی ئەنجامێ هەلبژارتنێن سەرۆکاتیا ئەمریکا دێ کاریگەریا خوە ل سەر هەموو جیهانێ هەبیت، ژ بەر ڤێ یەکێ ژی ئەڤ هەلبژارتنە نە تنێ ژ بۆ وەلاتیێن ئەمریکا، بەلکو ژ بۆ هەموو وەلاتێن جیهانێ ژی گەلەک گرنگە، سەرکەفتنا ترامپ یان ژی هاریسێ دێ کاریگەریەکا خوە یا مەزن ل سەر شەڕ و ئالۆزیێن نها ل جیهانێ و رۆژهەلاتا ناڤین هەبیت.
