هەموو کوردێن سووریێ دێ بنە خوەدان ناسنامە
بەرپرسەکێ رێڤەبەریا خوەسەر دیار کر، پشتی رێککەفتنا وان ل گەل شامێ نها دەست ب کارێن دەستپێکی بۆ دانا ناسنامەیا سووریێ بۆ کوردان هاتیە کرن و هەموو وەلاتیێن کورد یێن سووریێ دێ بنە خوەدان ناسنامە و ئەو کەسێن کو زارۆیێن وان ل دەرڤەیی سووریێ دژین ژی دشێن ناسنامەیان بۆ خوە دروست بکەن، ئانکو ب کورتی هەموو کوردێن سووریێ دێ بنە خوەدان ناسنامە.
ئەو یەک د دەمەکێ دایە کو بەری دو رۆژان وەزارەتا ناڤخوە یا سووریێ دیار کربوو، هەموو وەلاتیێن کورد ل سووریێ کو بەری نها ژ بەر هندەک ئەگەران بێ ناسنامە بوون ئێدی دێ بنە خوەدان ناسنامە و زۆرداریا ب سالان یا ل هەمبەر گەلێ کورد ل سووریێ ب دووماهی هاتیە و کورد وەکو وەلاتیێن رەسەن یێن سووریێ دێ ل سەر ئاخا خوە ژین و ئێدی چو هێزەک نەشێت زۆرداریێ ل کوردان بکەت.
