هەناسەكا تژی كەف

هەژار قەردەشا

درەنگ ژێ فامبووم
چەرخێ چووی و ئازار ب برینێن ڤەكری ڤە، تە هێلاین..و پەیڤ
بێهنا خوینێ ژێ دهاتن
هەموو خالێن لسەر پویتا دخاتر خاستنێ دا تالن…. و ئەز
ب هزرێن ئاتەشكری دا دبوومە داخ
غەریبی هەر تشت دكت
نە ژیار دلۆڤانە..و نە
كەرب هیڤییە
گەلەك سال ب ناڤێ من كەتن
شەڤ ل ڤر ب داوی ناهێن
لەزێ دگری دا ناكەم، ب خوە رۆندك دهێن خوارێ
چقاس تنێبوونەك تێر مرۆڤم
باجا هنەك شاشیا ددم، ناهێن بیرا من… و هەموو
دژین، لێ هەر یەك ژمە تاریا خوە هەیە
چەوا ب هیڤی بم
ژبیركرن یا لبەر دەریێ هزرا راوەستیای..و
ئاخینك دلاپەرا دا ماندینە
هەر بونەوەرەك تێرا مرۆڤەكێ هەیە
مرن دپەنجەرا من دا یاهەلیای
وەسا هێلام
دێ بێژێ جارەك دلی دا نەبووم…و دبێدەنگیا خوەدا كەربێ ژتە راكم
بەروڤاژی من پتر ژتە حەزدكر
وەرە ناڤا هەردو دەستێن تە دا دەریایە
ئەز نە مامە خەلكێ دونیایێ
بلا بۆ ئێك جار تێدا ب خەندقم…..

کۆمێنتا تە