هەناسەیەك ل كۆلانا وە
دلدار محەمەد
1
تە هەمی شارەزایێن فەلەكناسییێ شەپرزەكرن، هەكو تو ئەڤرۆ ئێڤاری هەلاتی.
2
وەك وی باغێ گولا یێ ل بنێ كۆلانا وە ژ بێ ئاڤی دنالی و ئەڤرۆ ئاڤێ ئەو گەشكری، ب دیتنا تە نزا ڤێ ئێڤارێ قورمچینا دێمێ من كیڤە بەرزەبوو!
3
ئەڤە ژ تو چوویی وەرە، وەك وی ئاڤاهیییێ ب رەخ مالا هەوە ڤە و كەس تێڤە نە دژییا، ئەز ب ناڤی یێ ئاڤامە و دراستییێ ا هەرفتیمە.
4
چەند سەیرە ! ئەڤە چەند سالە تو بەربژێر ژی نەبوویی و تە سۆزا هاتنێ هێلا هەلاویستی.
5
ئەو نە د ما تەنگ و تاری و پر ژ خانیێن زێدەگاڤی، و تۆز و بهنێن نەخۆش و جوكێن ئاڤا پیس، كۆلانا وە كراسێ بەهەشتێ دكرە بەر خۆ هەكو تو ڤەدگەریایە مال.
6
ئەز خەمگین نەدبووم هەمی خەلكێ كۆلانا وە دگۆتە من دینۆ، هەكو دگەل بیرهاتنا دێمێ تە، ئەز بۆ خۆ دگرنژیم، ئەڤە ژییەكە چوونا تە ئەز دین كریم و ژیەكە ژی گڕنژین ژ لێڤێن من ئاوارەبووین
