هەودانێن میزەرۆیێ پتر تووشی ژنان دبن
بەرپەرێ ساخلەمیێ:
د. نشوان محەمەد رەشید، تایبه‌تمه‌ندێ نه‌خۆشی و نشته‌رگه‌ریێن گۆلچیسكا و جوبارێن میزێ دیاركر ئه‌گه‌رێ سه‌ره‌كی یێ هه‌ودانێن جوبارێن میزێ ئه‌وه به‌كتریبا دچیته دناڤ میزدانکێ دا و بۆ ده‌مه‌كی دمینته تێدا و زێده‌بوونێ تێدا بكه‌ت، و ژ به‌رگریا له‌شێ مرۆڤی و میزدانکێ ده‌ربازبیت، هه‌ودان و كۆلبوونێ چێدكه‌ت، و گۆت: چونكو بوریا ده‌ستئاڤا زراڤ ل ده‌ف ژنان كورتتره و نێزیكی جهێ ده‌ستئاڤا ستویردبیت، هەودانێن میزدانکێ و جووبارێن دەستئاڤا زراڤ پتت ل ده‌ف ره‌گه‌زێ مێ رووده‌ن، هەروەسا ل ده‌ف ژنێن شویكری و نه‌شویكرێ په‌یدادبیت، هه‌مان ژن ره‌نگه پشتی هه‌ڤژینیێ زێده‌تر ل ده‌ف په‌یدا ببیت، چونكو كریارا جۆتبوونێ دهێته دژیانا وێ دا، هه‌روه‌سا دوگیانی زێده‌تر وان به‌رهه‌فدكه‌ت بو تووشبوونێ ب هه‌ودانان.
د. نشوان محەمەد دیاركر ئێك رێك ب تنێ هه‌یه بو خۆپاراستن ژ هه‌ودانا، ئه‌وژی میزدانک زوی بهێته پاقژكرن یان شووشتن، ئه‌م دبێژنێ جوبارێن ده‌سئاڤا زراڤ، وه‌ك هه‌ر جهه‌كی هندی بشوویی ناهێلیت چ لێ بمینیت، و ئه‌ڤ به‌كتریایه دگه‌ل ده‌ستئاڤا ستویر دژین، هنده‌ك ژ وان دهێنه د میزیلدانكێ دا و دمیننه تێدا، و هه‌ر ده‌مێ ژمارا وان ژ به‌رگیریێ زێده‌تر لێهات دێ كولبوون و هه‌ودانێ دروستكه‌ت، دا ئه‌ڤ كولبونه په‌یدانه‌بیت پێدڤیه زویی بهێته شووشتن، گۆت: بو شووشتنا وێ دو رێكێن سه‌ره‌كی مه هه‌نه، یا ئێكێ پێدڤیه گه‌له‌ك ئاڤێ و شله‌مه‌نیا ڤه‌خۆت، دا گولچیسکێن وی رێژه‌كا باش یا مێزێ چێكه‌ت، و ئه‌و میز بچیته د مه‌سانێ دا و یا دووێ زوی ب زوی وێ مێزلدانكێ ژ وێ میزێ خالیكه‌ت، دابشۆت و نه‌هێلێت ئه‌و به‌كتریایه بمیننه تێدا و هه‌تا ئه‌و كولبونا هه‌ودانا چێكه‌ت.
دەربارەی نیشانێن هه‌ودانا، دیارکر، ئێك ئێشانا بنێ زكی یه ب تایبه‌ت ده‌مێ دبینیت میزدانكا وی پیچه‌كا میزێ یان یا تژی یە و دئێشیت و پشتی خالی دكه‌ت ته‌ناتر لێدهێت، یا دوێ گوهۆرین بكه‌ڤیته شێوه‌یێ میزكرنێ، زێدەتر بچیت بو میزکرنێ ب تایبه‌ت ب شه‌ڤ رابیت بو میزكرنێ و هنده‌ك جارا هه‌ست ب ته‌نگاڤبوونێ بكه‌ت، یا سیێ ئه‌وه ل ده‌مێ میزتنێ هه‌ست ب سۆتنێ دكه‌ت و گوتژی: ئه‌گه‌ر هه‌ودان، پشتراستبوو یا هه‌یی پێدڤیه بهێته چاره‌سه‌ركرن، چونكو ئه‌گه‌ر نه‌هاتە چاره‌سه‌ركرن ره‌نگه بچیته گولچیسكێ و هه‌ودانێ ل وێرێ دروستكه‌ت و پاش بچنه دناڤ خۆینێ دا و هه‌ودان دناف خۆینێ دا دوردت بیت، ب كورتی هه‌رده‌مێ هه‌ودان هه‌بو پێدڤیه بهێته چاره‌سه‌ركرن، ره‌نگه پشتی چاره‌سه‌ریێ تووشببیته ڤه، و ئه‌گه‌ر چ ئه‌گه‌ر نه‌بوون تووشبون كێمتره، به‌لێ ئه‌گه‌ر به‌رگری دروست كارنه‌كه‌ت وەکو ل دەفنه‌خۆشێن شه‌كرێ، یان ئه‌گه‌ر ئه‌وبخو چاڤدێریا خۆ نه‌كه‌ت، ئاڤێ باش نەڤه‌خۆت و ده‌ستائاڤا خۆ گیروكه‌ت دێ دبەردەوام بن.
د. نشوان محەمەد رەشید، دیاركر هندی هه‌ودانێن جوبارێن ده‌ستئاڤا زراڤن، كولبونێن وێ یێن نورمال ناهێنه ڤه‌گوهاستن برێکا جووتبونێ، ره‌نگه هنده‌ك جاران ئه‌ف كولبونه، ب رێیا كریارا سكسی بهێنه ڤه‌گوهاستن وگۆت: دو خالێن سه‌رەكی هه‌نه بو خۆپاراستنێ، ئه‌و ژی زێده ڤه‌خارنا ئاڤێ و شله‌مه‌نیا، و گرنگه ئه‌و ژنێن ئاریشا دووبارەبوەنا هەودانا هه‌ین خوو بپارێزێن بزور فەخارنا شلەمەنیا و زوی خالیکرنا میزلدانکێ (ئه‌م دبێژنێ نابیت دو ده‌مژمێران زێده‌تر میز بمینته د میزلدانێكێ دا و پێدڤیه خالی كه‌ت).
