هەولێر و پێشمەرگە دێ بزاڤێ كەن ناسناڤێ ئیراقێ بۆ كوردستانێ بینن
قەیس وەیس:
چاڤەڕێ دهێتە كرن ل دووماهییا ڤێ حەفتیێ هەڤڕكیێن گەڕا ئێكێ ژ قۆناغا هەشتێ یا خولا پیشەكارێن ئیراقێ یا ڤۆلیبۆلێ ب پشكدارییا هەشت یانەیان بهێتە كرن، هەردو یانەیێن هەولێر و پێشمەرگەیا سلێمانیێ نوونەرێن ڤۆلی بۆلا كوردستانێ نە د خولێ دا.
مەناف خەلیل ئەندامێ فدراسیۆنا ڤۆلی بۆلا ئیراقێ و سەرپەرشتێ خولێ دیاركر، هەر هەشت یانەیێن دەربازبووی، هەر ئێك ژ هەولێر، پێشمەرگەیا سلێمانی، غاز ئەلجنوب، مەسافی ئەلشیمال، شورتە، نەینەوا، دەغار و میقدادیە گەهشتینە قۆناغا هەشتێ ژ هەڤڕكیێن خولا پیشەكارێن ئیراقێ، ئەوا هەڤڕكیێن وێ دێ ب شێوەیی خول ل پێنچ شەمبییا بهێت دەستپێكەت، یانەیا هەولێر د گەڕا ئێكێ دا دێ یا چاڤەڕێ كری بیت ژبەركو د نوكە دا یا پشكدارە د قارەمانییا یانەیێن عەرەبی قارەمانێن خولا ئەوا ل وەلاتێ قەتەری دهێتە كرن.
هەروەسان ناڤهاتی دیار كر وەرزێ ئەڤ سالە هەڤڕكییەكا بهێز دهێتە كرن و هەردو یانەیێن هەولێر قارەمانا وەرزێ بۆری و پێشمەرگە شیانێن مەزن هەنە و دێ شێن هەڤڕكیێ بۆ ناسناڤی كەت، دیسان یانەیێن دغارە، غاز ئەلجنوب و یانەیێن دی هەڤڕكێن ب هێزن.
