هەولێر و پێشمەرگە رێزبەندییا خوە باشتر لێكرن
هەردو یانەیێن كوردستانێ تیما یانەیا هەولێر و یانەیا پێشمەرگە بەردەوامن ل سەر پێشڤەچوونا خوە بۆ رێزێن پێشییا خولا پلا نایابا ئیراقێ یا ڤۆلی بۆلێ ل سەر ئاستێ كوڕان پشتی د یاریێن خوە یێن قۆناغا هەشتێ ژ دەرڤەیی یاریگەهێن خوە سەركەفتن ل سەر یانەیێن حەبانییە و مەئسافی ئەلشیمال ئینایین.
یانەیا هەولێر ب سەركەفت ل سەر حەبانییە ب سێ كۆمان بێ بەرانبەر، یاریزانێ هەولێرێ شاهین شوان وەكو باشترین یاریزان هاتبوو دەستنیشانكرن، ژلایێ خوەڤە تیما پێشمەرگە ب سێ كۆما بەرانبەر كۆمەكێ سەركەفتن ل سەر مەئسافی ئەلشیمال ئینا.
پشتی ب دووماهی هاتنا گەڕا حەفتێ ژ قۆناغا هەشتێ یانەیا هەولێر ب19 خالان پێشڤە هاتە رێزا دویێ ئەوا یانەیا غاز ئەلجنوب ب هەمان خالان لێ زێدەتری ئێك سەركەفتن د چارچووڤێ ئەنجامێن كۆمان دا، بەحری ب 16 خالان رێزا سێیێ دهێت، پێشمەرگە ژی پێشڤە هاتە رێزا چارێ ب نەهـ خالان رێزا، ب هەمان خال كێمترییا سێ ئەنجامێن كۆمان رێزا پێنحێ دهێت، ئەلسمۆد، مەسافی ئەلشیمال، نەینەوا و ئەلحەبانییە رێزێن پێنجێ هەتا هەشتێ دهێن.
بۆ زانین پشتی ب دووماهی هاتنا گەڕا هەشتێ بڕیارە چار یانە دەربازبنە قۆناغا چارگۆشەیا زێرین، یانەیا هەولێر هەڤڕكەكا بهێزە بۆ ب دەستڤە ئینانا ناسناڤێ خوە یێ ئێكێ یێ ئەڤ سالە.
