هەوەكا چاندنا داران ل سێمێلێ دەستپێكر
سێمێل، موسا خالد:
ل ژێر درووشمێ «دا پێكڤە سروشتێ باژێرێ خۆ جوان بكەین» هەوەكا چاندنا داران ل دەڤەردارییا سێمێلێ دەستپێكر.
ب پشتەڤانیا د. عەلی تەتەر، پارێزگارێ دهۆكێ و د بەردەوامیا هەوا دارچاندنێ دا ل بنارێ چیایێ بێخێری، ل سنوورێ دەڤەرداریا سێمێلێ ٢٠٠ شتلێن دی یێن داربەڕوویان ژ لایێ ستافێ رێڤەبەریا رەوشەنبیری و هونەری یا سێمێلێ ڤە هاتنە چاندن.
دیسا بڕیارە هەوەكا دی یا دارچاندنێ ل چیایێ بێخێری و سەنتەرێ باژێڕێ سێمێلێ دەستپێ بكەت و هەتا قووناغێن بهێن بڕیارە هزار دار بهێنە چاندن.
دیسا ب هەلكەفتا بیرەوەریێن ئادار و نەورۆزێ و ب سەرپەرشتیا رێڤەبەرێ ناوچەداریا خانكێ زەردەشت شێخ شامۆ و بینگەهێ لالش تایێ خانكێ و گرۆپێ خوبەخشێن ژینگەهپارێزێن خانكێ ب هەڤكاری ل گەل سەرۆكاتیا باژێرڤانیا خانكێ و هەموو دام و دەزگەهێن وێ رابوو ب مەزنترین هەوا پاقژكرنێ ل سنوورێ ناوچەداریا خانكێ.
