هەڕە خائین
ئەمیر سەید حامد چەمسەیدی
هەرە خائین
ئەز و تو قەد نابینە ئێک دێ بینە دو
مە ب کەنە ئاشی و بهێرن
عەشقا مە چوو
نە من تو دڤێی نە تە ئەز دڤێم
ئەڤا مە دگۆت هندە سالە درەوەک بوو
سەرێ مە هەردوا سپی کر
من گەلەک هەدار ڤەکێشا
نە تو دبی ئەز.. نە ئەز دبم تو
دو زمان و
دو کولتۆر و
دو هەناسە و
دو پێناسە و
دو گیانێن ژێک جوداینە
دێ چاوا چیتە سەری هۆ
ئەڤە سەد جار ئەز ل تە بۆریم
تو یا ل سەر ئێک و دویا خۆ
هەرە هەی قەدا ب تە بکەڤن
تو عەرەبۆشکەکا دەق دای
ژدەهمانا دشداشەکێ هەمی قرێژ یا ڤەپەشیای
لبن کوینەکێ رەشێ دریای
لبەر هەتاڤێ
لناڤ بیابانەکا هشک بووی یا فرشک بووی
ژیانا من د گەل تە رەش بوو
ئەز گولستانەک دەلالم
خودان چیا و کەڤیێن بەفرێ و سەر و کانیێن زەلالم
بەژنا من هەمی کولیلکن
زوزانێن من فەراشینن هەمی نێرگز و هەلالن
خۆ نە ئینە رێزا من تو
قەدا ب سیڤەرێ بکەڤن،
رۆژا ئەز چوار پارچەکریم
هەمی دزانن گەردەنا من نە یا تە نەبوو
تو ب وان لێڤ و لمتۆرە یێن رەش من ماچی کەی
دیرۆکا من وەسا کرێت و ڤاژی کەی
خێر و بێرێن من حەلال کەی تە چاوا دڤێتن وەکی خۆ
ئەڤرۆکە ژی پاریێ دەڤێ زارۆیێن من دراوەستینی
تو فێلبازەکا بێ بەختی هەتکا تە چۆ
نە تو دبی ئەز نە ئەز دبم تو
هەتا هەتا نابینە ئێک دێ بینە دو.
