هەژار زەهاوی سوبەهی دێ كۆنسێرتەكێ ل ئاكرێ گێڕیت
رەمەزان زەكەریا:
ب سەرپەرشتیا هونەرمەند و مۆزیكژەنێ ناڤدارێ كورد (هەژار زەهاوی) ل بەرە سوبەهی رۆژا پێنجشەمبی 30-10-2025 كۆنسێرتەكا مەزنا هونەری ل ئاكرێ بهێتە گێڕان و بەرهەڤیێن باش بۆ گێڕانا وێ كۆنسێرتێ هاتینە كرن.
ئازاد مستەفا ، بەرپرسێ بزاڤا رۆشنبیری ل ئاكرێ بۆ ئەڤرۆ گۆت: سوبەهی (هەژار زەهاوی) مێهڤانێ ئاكرێ یە و ب پشكداریا هژمارەكا هونەرمەند و مۆزیكژەنێن باكوور و رۆژهەلات دێ مەزنترین كۆنسێرتا هونەری ل ئاكرێ گێڕن و دێ ل ناڤ ئاڤاهیێ قشلا شوونەواریا ئاكرێ هێتە گێڕان، هاتن بۆ هەموویانە و بێ بەرامبەرە.
هەروەسا گۆت: ئاكرێ ب درێژاهیا دیرۆكێ هونەرمەند و هونەر دۆست هەبوونە و خودان چەندین هونەرمەندێن ناڤدارە ل ناڤ لاپەرێن دیرۆكێ دا و نوكە ژی ئاكرێ باژێرەكێ هونەر دۆستە و گرنكیەكا باش ب بەرهەمێن هونەری دایە، ئەگەر پشتەڤانیا هونەرمەندان بهێتە كرن دێ بەرهەمێن باشتر هێنە پێشكێشكرن.
