هەژمارەكا جادەیان ل سنـۆرێ ناوچەداریا چەمانكێ هاتنە چێكرن
ئامێدیێ، مەحمود نهێلی:
د بەردەوامیا چێكرنا پڕۆژەیێن خزمەتگوزاری ل ناوچەدارییا چەمانكی یا سەر ب دەڤەردارییا ئامێدیێ ڤە، دەست ب چێكرنا چەند پڕۆژەیێن خزمەتگوزاری هاتیە كرن، ژ وان ژی: پڕۆژەیێ چێكرنا رێكێن ناڤخوەیی ل وێ ناوچەداریێ.
ئیسماعیل حەمید، رێڤەبەرێ ناوچەداریا چەمانكێ بۆ رۆژناما ئەڤرۆ دیاركر، نوكە هەژمارەكا پڕۆژێن خزمەتگوزاری دهێنە بجهئینان، ژ وان پڕۆژەیان ژی: چێكرنا جادەیێن ناڤخوەیی ل چەمانكێ و گوت: «ئەڤ پڕۆژەیە ژ چێكرنا جادەیێن ناڤخۆ یێن سەنتەرێ ناوچەداریێ و دەوروبەران پێك دهێت».
ناڤهاتی ئاشكرا ژی كر، پڕۆژە ب دووماهی هاتیە و جادە هاتینە قێركرن، ب چێكرنا ڤان جادەیان هەم دێ هاتنوچوونا وەلاتیان خوەشتر لێ هێت، هەم ژی دێ جوانیەكا دیتر دەتە باژێری و گۆت: «د بەرنامەیێ مە دایە چەندین پڕۆژەیێن دیترێن خزمەتگوزاری ل ناوچەداریا چەمانكێ بهێنە بجهئینان، مینا: پڕۆژەیێن جادەیێن دەرڤە و چێكرنا پاركەكا گشتی».
