هەژمارەكا خێزانێن چووینە شنگالێ دوبارە ئاوارەبـوون
دهۆك، لەزگین جۆقی:
رێڤەبەرێ كۆچ و كۆچبەرێن پارێزگەها دهۆكێ بۆ رۆژناما ئەڤرۆ دیار كر، هەژمارەكا خێزانان دووبارە ژ شنگالێ ئاوارەبوون و قەستا دهۆكێ كرن.
پیر دەیان، رێڤەبەرێ كۆچ و كۆچبەرێن پارێزگەها دهۆكێ خویا كر، دوهی 9/7/2025 هەشت خێزانێن چووینە شنگالێ دووبارە ژ دەڤەرداریا شنگالێ ئاوارە بوون و قەستا ناڤ كەمپان ل پارێزگەها دهۆكێ كرن و گۆت: «ژ ئەگەرێ ئاسایی نەبوونا رەوشا شنگالێ و نەبوونا دەرفەتێن كاری و پڕۆژەیێن خزمەتگوزاری، خەلك دووبارە ژ شنگالێ ئاوارە دبن».
ناڤهاتی گۆتژی: «هێشتا نێزیكی 300 هزار ئاوارەیێن شنگالێ ل پارێزگەها دهۆكێ دژین و حكومەتا هەرێما كوردستانێ د بیاڤێ كەرتێن پەروەردەیێ و كەهرەبێ و ئاڤێ و ساخلەمیێ هەڤكاریا ئاوارەیان دكەت».
