هەژمارەكا دەرمانخانە و كلینیكێن نۆشداری ل بەردەڕەش هاتنە گرتن
ئاكرێ، رەمەزان زەكەریا:
ل سنوورێ دەڤەرداریا بەردەڕەش ژ بەر پێگیر نەكرن ب رێنمایێن سەندیكا دەرمانسازان هەژمارەكا دەرمانخانە و كلینیكێن نۆشداری هاتنە گرتن.
ئاراز حەمید ئەترووشی، سەرۆكێ لژنا ساخلەمیێ ل دەڤەرداریا بەردەڕەش بۆ ئەڤرۆ گۆت: «دەمێ دو رۆژان، مە وەكو لژنەیا ساخلەمیێ ل دەڤەرداریا بەردەڕەش و سەندیكا دەرمانسازان لقێ دهۆكێ و سەندیكا كارمەندێن ساخلەمیێ لقێ بەردەڕەش ل گەل ئەندامێ داخوازكارێ گشتی ل سنوورێ دەڤەرداریا بەردەڕەش و هەرسێ ناوچەداریێن ب سەرڤە، ژ بەر نەبوونا رێنمایی و پێگری نەكرن ب رێنمایێن سەندیكا دەرمانسازان چەندین جه گرتن».
ناڤهاتی گۆتژی: «د هەوەكێ دا چەندین كلینیكێن هاریكارێن نۆشداری هاتنە گرتن و سزادان، دیسا سێ دەرمانخانە ژی هاتنە گرتن و سزادان و سێ تاقیگەهـێن شیكاریا نەخۆشیان ژی ژ بەر نەبوونا مۆلەتا كاری هاتنە گرتن».
