هەژمارەكا رێكێن سەرەكی ل ئاكرێ و بەردەڕەشێ دهێنە سەخبێركرن
رەمەزان زەكەریا:
د چارچوڤێ سەخبێركرنا رێكێن سەرەكی ل سنۆرێ دەڤەرداریێن ئاكرێ و بەردەڕەشێ، هەژمارەكا رێكێن سەرەكی دهێنە سەخبێركرن.
ئەندازیار محسن میرانی، رێڤەبەرێ سەخبێری و پاراستنا ڕێك و پران ل ئاكرێ بۆ ئەڤرۆ گۆت: «د چارچوڤێ بەردەوامیا سەخبێركرنا رێكێن سەرەكی دا، نوكە كار ل سەر هەژمارەكا رێكێن سەرەكی ل سنۆرێ دەڤەرداریا ئاكرێ و بەردەڕەشێ دهێتە كرن».
ناڤهاتی گۆتژی: «ڕێڤەبەریا سەخبێری و پاراستنا ڕێك و پران ل ئاكرێ، بەردەوام كارێ سەخبێركرنا جهێن تێكچوویی ل سەر ڕێكێن سەرەكی و لاوەكی دكەت، نوكە رێڤەبەریا ناڤهاتی كارێ سەخبێركرنێ ل ڕێكا سەرەكی یا ڕۆڤیا بۆ بەردەڕەشێ و ڕێكا سەرەكی یا ڕۆڤیا بۆ ئاكرێ و ڕێكا گوندێن لەكان، بانیرێ، باژێرە ژێر، باژێرە ژوور، باقسپێ ل سنۆرێ ناوچەداریا گردەسێن دكەت».
