هەژمارەكا كامیرەیێن لەزاتیێ ل ئاكرێ دهێنە دانان
رەمەزان زەكەریا:
رێڤەبەریا هاتنوچوونا ئاكرێ پلانەكا نوو دانایە بۆ سلامەتی و پاراستنا شۆفێر و وەلاتیان ب گشتی، ب تایبەت یێن سنۆرێ ئاكرێ، ئەو ژی ب دانانا هەژمارەكا كامیرەیێن لەزاتیا هاتنوچوونێ ل جهێن گرنگ و مەترسی ل سەنتەر و دەوروبەران هەی.
رێڤەبەریا هاتنوچوونا ئاكرێ راگەهاند: بۆ ئێكەم جارە د ناڤ سەنتەرێ قەزا ئاكرێ دا هەژمارەكا جهان بهێنە دەستنیشانكرن بۆ دانانا كامیرەیێن لەزاتیا هاژۆتنا ترۆمبێلان، كو شەش ژ وان جهان دكەڤنە سەنتەرێ قەزایێ و یێن دی ژی دكەڤنە دەرڤە.
هاتنوچوونا ئاكرێ ئاشكرا ژی كریە، دانانا كامیرەیێن چاڤدێریێ ل جهێن دەستنیشانكری گەلەك یا گرنگە، ژ بەركو دێ سەرپێچی و لەزاتیێ كێم كەن و بیتە ئەگەرێ سلامەتیا شوفێران.
