هەژمارەكا پڕۆژەیان ل دەڤەرێن كوردستانی یێن دەرڤەی ئیدارەیا هەرێمێ دێ هێنە بجهئینان
دهۆك، دلۆڤان ئاكرەیی:
نوونەرێ حوكمەتا هەرێما كوردستانێ ل سندۆقا ئاڤەدانكرنا دەڤەرێن كوردستانی یێن دەرڤەی ئیدارا هەرێما كوردستانێ و د دەمێ شەڕێ داعشێ دا زیان گەهشتیێ دیار كر، ئەو كار دكەن كو پترین پڕۆژە ل وان دەڤەرێن كوردستانی یێن دەرڤەی ئیدارا هەرێما كوردستانێ بهێنە ئەنجامدان و دبێژیت: بۆ ڤێ مەرەمێ ل گەل نوونەرێن كورد ل هەردو پارێزگەهێن نەینەوا و كەركووكێ دێ هەماهەنگیێ كەین.
د. ئاگرین عەبدوللا، بریكارێ وەزارەتا ئاڤەدانكرنێ یا حكومەتا هەرێما كوردستانێ و نوونەرێ حكومەتێ د سندۆقا ناڤبری دا بۆ رۆژنامەیا ئەڤرۆ گۆت: «د سندۆقا ئاڤەدانكرنا وان دەڤەران دا، ئەم كاری بۆ ئاڤەدانكرنا وان دەڤەرێن كوردستانی دكەین یێن د شەڕێ داعشێ دا زیان گەهشتینێ«.
د. ئاگرین گۆتژی: «مە دڤێت ل بەغدا، دەمێ دانوستاندن ل سەر پلان و پڕۆژەیان دهێتە كرن، ئەم پشتەڤانیێ لێ بكەین و ڕازیبوونێ بۆ بجهئینانا پترین هەژمارا پڕۆژەیان د هەمی كەرتان دا ل دەڤەرێن كوردستانی ژ شنگالێ هەتا مەخموور و كەركووكێ وەربگرین».
