هەژمارەكا پڕۆژەیان ل ناوچەداریا باتێلێ دێ هێنە بجهئینان
زاخۆ، دلۆڤان هالۆ:
ئەیسەر جەرجیس، ڕێڤەبەرێ ناوچەداریا باتێلێ بۆ ڕۆژناما ئەڤرۆ دیار كر كو ب گوژمێ پێنج ملیار دیناران، هەژمارەكا پڕۆژەیان ل سنوورێ ناوچەداریا باتێلێ یا سەر ب ئیدارەیا سەربخوە یا زاخۆ ڤە دێ هێنە بجهئینان.
ئەیسەر جەرجیس خویا ژی كر، ئەو پڕۆژە ژ دروستكرنا ڕێك و پران و ڕێكێن ناڤخۆیی، دابیكرنا كارەبا 24 دەمژمێری بۆ پرۆژەیێن ئاڤێ و دابینكرنا كارەبا گشتی بۆ گوندێ چەمزارڤێ پێك دهێن و گۆت: «چەندین پڕۆژەیێن دێ ژی دێ هێنە بجهئینان، وەكو دابینكرنا ڕۆناهیێ ل سەنتەرێ ناوچەداریا باتێلێ و دانانا تۆڕێن نوو یێن ئاڤێ، دیسا كۆلانا بیرێن ئاڤێ و دانانا كۆگەهەكا نوو یا ئاڤێ ل گوندێ باجد بەرئاڤێ و نووژەنكرنا قوتابخانا گوندێ باجد بەرئاڤێ».
