هەژمارەكا پڕۆژەیێن ئاڤا ڤەخوارنێ ل مانگێشكێ دهێنە بجهئینان
دهۆك، لەزگین جۆقی:
رێڤەبەرێ ناوچەداریا مانگێشكێ دیار كر، دەست بجهئینانا هەژمارەكا پڕۆژەیێن ئاڤا ڤەخوارنێ ل مانگێشكێ هاتیە كرن، ژ وانا ژی: پێنج بیرێن ئاڤا ڤەخوارنێ بۆ گوندان دێ هێنە كۆلان.
بریندار حەیدەر، رێڤەبەرێ ناوچەداریا مانگێشكێ بۆ ئەڤرۆ ئاشكرا كر، تۆڕا ئاڤا ڤەخوارنێ ل ناوچەداریێ هاتیە دروستكرن ل گەل چێكرنا عمبارێن ئاڤێ بۆ چارەسەریا ئاریشەیا ئاڤا ڤەخوارنێ ل دەڤەرێ و گۆت: «ئەڤ پڕۆژە ب گوژمێ پتر ژ 300 ملیۆن دیناران هاتینە بجهئینان».
ناڤهاتی گۆتژی: «ب گوژمێ پتر ژ 400 ملیۆن دیناران پڕۆژەیێن ئاڤدێری ژی بۆ جۆتیاران هاتینە دروستكرن، داكو بەردەوامیێ ب كارێ چاندنێ بدەن».
