هەژمارەكا پڕۆژەیێن ئاڤێ ل دەڤەرداریا ئاكرێ دێ هێنە بجهئینان
ئاكرێ، رەمەزان و سەباح:
ل سنوورێ دەڤەرداریا ئاكرێ هەژمارەكا پڕۆژێن ئاڤێ رازیبوون ل سەر هاتیە كرن و دێ هێنە بجهئینان و ئاریشا ئاڤێ ل دەڤەرێ دێ چارەسەر بیت.
ئەندازیار زرار ئەحمەد، رێڤەبەرێ ئاڤا ئاكرێ بۆ ئەڤرۆ گۆت: «ل سنوورێ دەڤەرداریا ئاكرێ هەژمارەكا پڕۆژێن ئاڤێ دێ هێنە بجهئینان، دیسا چەندین بیرێن ئاڤێ ژی دێ هێنە كۆلان ل وان جهێن ئاریشا كێمئاڤیێ هەی».
گۆتژی: «كۆلانا دو بیران ل پڕۆژێ ئاڤا گردەسێن و ئاكرێ و دابینكرنا دو پەمپێن ئاڤێ بۆ پڕۆژێ ئاڤا شەهیدان و كۆلانا بیرەكا ئاڤێ ل پڕۆژێ ئاڤا شەهیدان بەدیل و پرۆژێ ئاڤێ ل سەنتەرێ ناوچەداریا دینارتە».
ناڤهاتی ئاشكرا ژی كر، پرۆژێ ئاڤا گەرەكا شۆڕەش ل سەنتەرێ دەڤەرداریا ئاكرێ و پڕۆژێ ئاڤا گوندێ مەزرینگان سەر ب ناوچەداریا دینارتە و پڕۆژێ ئاڤا گوندێ ئامادا ژێری سەر ب ناوچەداریا دینارتە و پڕۆژێ ئاڤا گوندێ شوش یێ گرێدای سەنتەرێ دەڤەرداریا ئاكرێ و پڕۆژێ ئاڤا گوندێ گورانكا كچكە یی سەر ب ناوچەداریا گردەسێن ڤە.
