هەژمارەكا پڕۆژەیێن گرنگ ل سنوورێ ئاكرێ و بەردەڕەشێ هاتینە بجهئینان
رەمەزان زەكەریا:
كاروانێ ئاڤەدانكرنێ ژ لایێ كابینەیا نەهێ یا حكومەتا هەرێما كوردستانێ بەردەوامە، ب گوژمێ پتری چار ملیار و 500 ملیۆن دیناران كار ل سەر نووژەنكرن و چێكرنا رێكێن گوندان ل هەردو دەڤەرداریێن ئاكرێ و بەردەڕەشێ دهێتە كرن.
ئەندازیار محسن میرانی، رێڤەبەرێ سەخبێری و پاراستنا رێك و پران ل ئاكرێ بۆ ئەڤرۆ دیار كر، كار ل سەر پڕۆژەیێن چێكرنا رێكا بەردەوامە گۆت: «ل بەردەڕەشێ پڕۆژەیێ رێكێن گوندێن، مەم و زین، شەمسەخرێ، كەلەك بشیریان، دوسەرە، تربەسپی، ئاڤڕێژێن دوبەردان و زمزموك، كار تێدا ب دووماهی هاتیە، دیسا ل ڤان نێزیكان كار دێ بۆ رێكێن پتری 15 گوندان ل سنوورێ ناوچەداریێن رۆڤیا و دارەتۆ و كەلەكێ دەست پێكەت».
گۆتژی: «ل ئاكرێ كار ل سەر چێكرن و سەخبێركرنا رێكا بەردەوامە، ل دینارتە پتری 16 گوندان و ل بجیلێ پتری 14 گوندان و ل گردەسێن ژی پتری پێنج گوندان مفادارن دگەل چێكرنا ئاڤڕێژێن چارگوشەی ل گوندێن گلێنە و دزۆك».
