هەژمارەكا پڕۆژەیێن گرنگ ل شێخان دێ هێنە بجهئینان
شێخان، بارزان مزووری:
وەسیم حەنون، سەرۆكێ باژێرڤانیا شێخان تایێ نەینەوا بۆ رۆژناما ئەڤرۆ دیار كر، بڕیار ل سەر دروستكرنا چەندین رێكێن گرنگ ژ لایێ ئیدارا نەینەواڤە بۆ شێخان هاتیەدان، ژ وان ژی: پڕۆژەیێ جۆتسایدێ دەرگەهێ شێخان هەر ژ ئاڤاهیێ دەڤەرداریێ هەتا دگەهیتە ترافیك لایتا بەرامبەری باژێرڤانیا شێخان، ل گەل دروستكرنا هژمارەكا پڕۆژەیێن دی.
ناڤبری گۆت: «نوكە ئەو پڕۆژە كەفتینە د قووناغێن كاری دا و ژ لایێ باژێرڤانیا شێخان ڤە سەرپەشتی ل سەر دهێتە كرن».
گۆتژی: «سالا بۆری ژی مە پڕۆژەیەكێ گرنگ یێ رێیان ل سەنتەرێ دەڤەرداریێ دروستكر و نوكە كەفتییە د خزمەتا شۆفێر و وەلاتیان دا، ئەو ژی پڕۆژەیێ جۆتسایدێ سەنتەرێ شێخانە».
