هەژمارەكا پڕۆژەیێن گەشتیاری ل ئاكرێ دێ هێنە بجهئینان
رەمەزان زەكەریا:
ب بڕیارا مەسرور بارزانی، سەرۆكێ حكومەتا هەرێما كوردستانێ زنجیرەكا پڕۆژەیێن گەشتیاری یێن ستراتیژی ل دەڤەرێ دەستپێكرینە و پڕۆژەیێن زێدەتر یێن گەشتیاری ل ئاكرێ دێ هێنە ئەنجامدان و دێ خزمەتەكا مەزن پێشكێشی خەلكێ دەڤەرێ و گەشتیاران كەن.
دكتۆر دلاوەر بۆزو، دەڤەردارێ ئاكرێ بۆ رۆژناما ئەڤرۆ گۆت: «پلانێن گەشتیاری یێن مەزن بۆ دەڤەرا ئاكرێ هاتینە دانان و نوكە د قووناغا بجهئینانێ دانە، ژ وان ژی: پڕۆژەیێ باژێڕێ یاریێن سەردەم، كو پڕۆژەكێ نوو یێ گەشتیاری یێ گرنگە ل دەڤەرێ».
گۆت ژی: «ل دەرگەهێ باژێڕێ ئاكرێ خوارنگەهەكا نموونەیی یا گەشتیاری دێ هێتە ئاڤاكرن ل گەل پڕۆژەیێ چاندنا دارێن زەیتۆنان، ب مەرەما جوانتركرن و گەشەپێدانا سیمایێ شارستانی یێ ئاكرێ».
