هەڤپەیمانیا نیشتیمانی داخوازا پێکئینانا لژنەیەکێ دکەت بۆ دانوستاندنێ ل گەل هەرێما کوردستانێ

ئەڤرۆ نیۆز،زنار تۆڤی:
دەستەیا سەرۆکاتیا هەڤپەیمانیا نیشتیمانیا عێراقێ،ماوێ درێژکرنا کارێ کۆمسیۆنا هەلبژارتنان رەت دکەت و داخوازا پێکئینانا لژنەیەکا سیاسی دکەت بۆ دانوستاندنێ ل گەل هەرێما کوردستانێ.
ل دووڤ بەیاننامەیەکا نڤێسینگەها عەمار حەکیمی سەرۆکێ هەڤپەیمانیا نیشتیمانی،دەستەیا سەرۆکاتیا وێ هەڤپەیمانیێ د کۆمبوونەکێدا دانوستاندن ل سەر دۆخێ ئەمنی و سیاسی و شەرێ ل دژی داعشێ کریە ل عێراقێ.
هەروەسا جەخت ل سەر هندێ کریە کو درێژکرنا ماوێ کارێ کۆمسیۆنا هەلبژارتنان رەت دکەن و پێدڤیە لەز بهێتەکرن د کارێن لژنا شارەزایان دا بۆ دیارکرنا ئەندامێن نوو یێن کۆمسیۆنێ،دیسان وان ب پێدڤی زانیە کو لەز بهێتەکرن بۆ پێکئینانا لژنەیەکا سیاسی بۆ گفتوگۆکرنێ ل گەل هەرێما کوردستانێ.

کۆمێنتا تە