هەڤپەیڤین
سالح حكیم
ئەندیشا عەشقێ
سەر ماسا ڤالنتایێ
دناڤ پاخلێن تابلۆیێ
عەشقا منا ئێكانە
چاڤ ژ حەسكرنێ
سەر دەپێ
سینگێ شانۆیێ
تو یەكەم شانۆڤانا
سەماكەربووی
دئەزلدا تو یا هاتی
ژ هەر تشتەك ژتە
دەستپێدكەت
ئەو شەڤا بێدەنگێ
هنگاڤتی گازی د هەلاتنێ دا
وەغەرنەبوویە
چاڤ میكرۆسكۆپەكە
دناڤ ناوسك و قیبەلەیێن
تاری ل هەبوونا رۆناهیا
دێمێ تە دگەڕن
ئاقار ئاقار
هەموو وەرزێن سالێ
دگەل پەلاتینكا خوەیا
ڕەنگا د سەر بەلگێن
گول و گولزارا
پالدەن ناڤ مێرگا دلی
لێ چبكەین قەدەرا هەلوەریانێ
پشت وێنەكێ سۆتی
لێبۆرینەك ب شانازیڤە
پەیڤێن تامدای رێزدكەت
دگەل سەفرا دووكیلا
وێ دیدارێ
دا ب هەڤڕا مۆڕ بكەین
نە ب جوانیا سەحكرنێ
نە ب غرۆریا هێزێ
ئۆمێد شوین نابن
خۆزی پرتێن خوە
ناڤ گۆری لێگ نادەن.
