هەڤڕکیا ChatGPT د گه‌ل Google به‌ر ب قووناغەكا بهێز دچیت
پەروین سەلاح:
چات جی پی تی (ChatGPT) یێ چالاكتر دبیت و پێشبێركیا گۆگل دکەت و کۆمپانیا OpenAI نووکرنەکێ ژبۆ لێگەریانا ChatGPT دکەت، ب دروستیەکا باشتر و کورتەیێن ڕوون و سیستەمەکێ نوو شرۆڤەکرنێ د GPT-5 دا، کو پێشبڕکێیا دژی گۆگل بهێزتر دکەت.
هەروەسا نووکرنەکا نوو بۆ مەکینا لێگەریانێ یا ChatGPT هەیە، کو ئەرکێ وێ یێ لێگەریانێ یە د مۆدێلا زیرەکیا دەستکرد دا و ئارمانج ژێ ئەوە بچیتە د ناڤ دەڤەرەکێ دا کو ژ مێژە گۆگل ل سەر دەستهەلاتە و ئارمانجا ڤێرژنێ نوو یێ لێگەریانا ChatGPT ئەوە کو پتر دروست و باوەرپێکری بیت، لێ بکارهێنەر دێ نوکە دا کورتەیێن باشتر بۆ وان لینکێن لێ دگەرن بینن، د گەل شیانا کو ڕاستەوخۆ بچنە سەر هەر ژێدەرەکی.
هەردیسان و یا ژ هەموویێ باشتر، ل دووڤ کۆمپانیا (OpenAI) ئەو شیانە ب ڕێژەیەکا مەزن وان تشتان کێم بکەن یێن کو دبێژنێ «خەیالێن زیرەکیا دەستکرد»، و ب ڤێ چەندێ ژی کواڵیتیا بەرسڤان باشتر کریە و ئێک ژ گرنگترین مفایێن ڤێ نووکرنێ، زانینا حەزا کرینێ یە، ئەڤە وێ ڕامانێ ددەت کولێگەریانا (ChatGPT) دشێت جوداهیێ بکەت د ناڤبەرا لێگەریانا بکارهێنەری بۆ بەرهەمان و لێنەگەریانا وی، ب ڤێ چەندێ د هەردو حالەتان دا ئەنجامێن گونجایتر ددەت. وەك
– رێیێن پێشکێشکرنا بەرسڤان هاتینە باشترکرن.
– شێوازێ نوو هاتیە دیزاینکرن دا کو ڕوونتر و ڕاستەوخۆتر بیت بێی کو کارتێکرن ل سەر هووردەکاریان یان کواڵیتیێ بهێتە کرن.
-ئەڤ نووکرنە ب تنێ بۆ لێگەریانێ نینە؛ بەلکو کلیلا شرۆڤەکرنێ یا GPT-5 ژی ب خوه ڤە دگریت کو رێ ددەتە تە کو تو کۆ رایا شرۆڤەکرنا زیرەکیا دەستکرد کۆنترۆل بکەی.
- GPT-5 ب شرۆڤەکرنەکێ کار دکەت کو هەڤسەنگیێ د ناڤبەرا لەزاتی و دروستیێ دا پەیدا دکەت، لێ ڤێرژنێ بەرفرەهـ پتر هووردەکاریان ددەت بۆ بکارئینەرێ پرۆ (Pro)، هەلبژارتنێن پتر هەنە چونکو نە ب تنێ ڕەوشا بنەرەتی ل بەردەستە، بەلکو مۆدێلێ بیرکرنا پێشکەفتی ژی بلندترین شیانێن بیرکرنێ ددەت.
ل دووماهیێ ئەڤ رێیێن باشترکرنێ ب شێوەیەکێ قووناغ ب قووناغ دهێنە بجهئینان، ئارمانجا ڤان گوهۆرینان ئەوە کو دەستهەلاتا ئالاڤێ لێگەریانێ یا ChatGPT بهێزتر بکەن د دەمەکێ دا کو پێشبڕکی د گەل گۆگل دژوارتر دبیت.
