هەڤژینان کاریگەری ل سەر ساخلەمی و تەمەن درێژیا ئێکدو هەیه
ئەڤرۆ نیوز:
ڤەکولینەکا نوو دەرخستیە، كو كۆنترۆلکرنا ژ ئالیێ ژنێ ڤە، دێ ژیانەکا ساخلەم بەخشیتە هەڤژینێ وێ.
بۆ سەلماندنا ڤێ ڤەکولینێ وان دەرخستیە، كو هەردو هەڤژینان كاریگەری ل سەر ساخلەمی و تەمەن درێژیا ئێکدو هەیە.
جڤاکناسیا زانكۆیا میشیگان ڤەکولینەک ئەنجامدایە و دیار کریە، هەکە زەلامەکێ ب دل نەخۆشی هەڤژینی پێکئینابیت، دێ مەترسیا تووشبوون ب نەخۆشیا شەكرێ كێم کەت.
هوی لیو سەرپەرشتیارێ وێ ڤەکولینێ گۆتیە: دبیت ئەڤە ب ئەگەرێ وێ راستیێ بیت، كو هندەک ژ ژنان رێنمایێن ساخلەمیێ ل هەڤژینێن خوە دكەن، ب تایبەت دەمێ هەڤژینێن وان د نەخۆش بن، یان ژی نەخۆشیا وەكو یا شەكرێ هەبیت، كو پێدڤی ب رێبەریێ هەیە.
گۆت ژی: هەر چەند زەلام ب ڤێ چەندێ دلخۆش نابیت، چونکی هەڤژینا وی فەرمانان لێ دکەت، بەلێ ل دوماهیێ ئەو چەندە د بەرژەوەندیا وی دایە.
هەروەسا وێ ڤەکولینێ دیار کریە، بەرۆڤاژیا ڤێ یا ڕاستە بۆ ژنان، کو پەیوەندیەكا باش یا هەڤژینیێ مەترسیا نەخۆشیا شەكرێ بۆ ٥ سالا دوور د ئێخیت، ئەڤەژی ب ئەگەرێ هەستیاریا ژنانە، كو وەلێ دکەت، وان پێدڤی ب كوالێتیەكا باش یا هەڤژینیێ بیت.
