هەڤژینێ من ل مال هاریكاریا من دكەت
سندس سالح سلێڤانەیی:
رەڤین كێستەیی، خانمەكا خەلكا دهۆكێ یە، د دیدارەكێ دا بۆ رۆژنامەیا ئەڤرۆ دبێژیت: دژیەكێ بچووك دا من حەزژ چێكرنا كێك و شریناهیان دكر و ئەز دشێم بێژم دژیێ چاردە سالیێ دا من دەستپێكریە و هەتا نوكە یا بەردەوامم.
هەروەسا گۆت: ئەز دزانم گەلەك جۆرێن شریناهیان چێكەم و گەلەك جۆر ژی یێن منن، ئانكو ژ دەف خۆ من چێكرینە، وەك كێكێن رۆژبوونان، هەروەسا یێن شەهیانان و ئەز ل دووف داخوازیان كاردكەم و ژبەركو هەڤژینێ من ژی (شێف) گەلەك پشتەڤانیا من دكەت و گەلەك جاران ل مال هاریكاریا من دكەت بۆ چێكرنا شریناهیان، بۆ زانین من كارگەهەكا شریناهیان هەیە سێ كچ ل دەف من كاردكەن، هەروەسا مە شۆفێرەك ژی هەیە بۆ گەهاندنا شریناهیان و سوپاس بۆ خودێ بۆ هەر ئێكی ژمە داهاتەك ژێ دهێت، بۆ زانین خەلكێ مە ب شێوەیەكێ گشتی حەزژ شریناهیان دكەن و نوكە داخوازی ل سەر كادە و كێكێن رۆژبوونان هەنە و د هەیڤا رەمەزانێ داخوازی ل سەر شریناهیان زێدەتر لێ دهێت.
