هەکە ئەڤینا راست و پاقژ بیت هەموو ڕۆژ ڕۆژێن ڤیانێ نە
دلڤین رەشید:
ئەڤرۆ ١٤/٢ یە جەژنا ئەڤیندارایە، ل هەموو جیهانێ دهێتە ساخکرن و ئەڤیندار ب گول و دل و دیاریێن پڕ بها و ئاهەنگان ل هەڤدو پیروز دکەن، ئەو کەسێن بو رۆژناما ئەڤرۆ ئاخفتین ژی دبێژن: پێدڤیە حەزژێکرن به‌ردەوام دناڤبه‌را عاشق و مەعشوقان هه‌بیت، نەک بتنێ د ڤێ روژێ دا.
ئیمان زێباری، شارەزایا دەروونی دیار کر کو جەژنا ئەڤینداران خوشیه‌كا تایبه‌ت هه‌یه بۆ ئەڤینداران ب مەرەما ب ھێزکرنا ئەڤینا خوە گولێن سور و دیاریان پێشکێشی ئێكدو دکەن و گۆت: (راستیا ڤالنتاینێ بتنێ ئەو نینە کو کەسەک گولەکا سور بدەتە کەسێ بەرامبەر بەلکو ڤالنتاین ئەوە کو مرۆڤی د ژیانا خوە دا کەسەک ھەبیت، گرنگیێ ب مروڤی بدەت و پێدڤیە ئه‌ڤ جورە ڤیان و رێزگرتنە دناڤبه‌را خوشتڤیان دا به‌ردەوام هه‌بیت).
ئانیا عەبدوللا، ڕۆژنامەڤانە دیار کر کو جەژنا ئەڤینداران روژەکا گرنگ و جوانە بۆ بیرئینانا وێ ڤیانا دناڤبەرا ئه ڤینداران دا، بەلێ هەموو روژ روژێن ڤیانێ نە و دڤێت ئەم ڤیانێ د ڤێ روژێ بتنێ دا نەبینین و گۆت: (دڤێت بەردەوام ئەم حەژ ئێکدو بکەین، ژیانا خوە ل سەر بنەمایێ ڤیانێ و باوەریێ و ڕێزگرتنێ ئاڤا بکەین).
شارەزایا دەروونی دیار کر کو جەژنا ئەڤینداران كارتێكرنەکا نه‌رێنی ل سەر كور و كچان هەیە، چونكی پێشكێكرنا دیاریان و ساخكرنا ڤێ بیره‌وه‌ریێ بویه چاڤلێکرن و ئه‌ركه‌ك دناڤبه‌را ئه‌ڤینداران دا، ئه‌ڤ چەندە ژی ئاریشان دناڤبه‌را كور و كچاندا په‌یدا دكه‌ت و گۆت: (ژبەرکو دبیت د شیانێن كوری دا نەبیت دیاریێن گران بها بو ئەڤیندارا خۆ ببەت یان تشتەکێ مەزن بو بکەت، له‌ورا گرنگه ئەڤیندار ل گوره‌ی شیانێن خۆ سه‌ره‌ده‌ریێ ل گه‌ل ڤێ رۆژی بكه‌ن و ب دل و ده‌روون هه‌ستێن خوه بۆ ئێكدو دەرببرن) .
ئانیا عەبدوللا، ڕۆژنامەڤانە دیار کر کو جەژنا ئەڤینداران روژەکا گرنگ و جوانە بۆ بیرئینانا وێ ڤیانا دناڤبەرا ئه ڤینداران دا، بەلێ هەموو روژ روژێن ڤیانێ نە و دڤێت ئەم ڤینێ د ڤێ روژێ بتنێ دا نەبینین و گۆت: (دڤێت بەردەوام ئەم حەژ ئێکدو بکەین، ژیانا خوە ل سەر بنەمایێ ڤیانێ و باوەریێ و ڕێزگرتنێ ئاڤا بکەین).
چالاکڤان، جەواهرعەلی عومەر دیار کر کو جەژنا ئەڤینداران گرنگیا خوە هه‌یە ژبۆ ئەڤینداران، ژبەرکو ڤیانا خو نوی دکەن و گولێن سور و دیاریێن جوان پێشکێشی ئێکدو دکەن، ئەڤە ژی ئەگەرە پەیوەندیا وان یا دلداری بهێزتر لێ بهێت و گۆت: (حەزژێکرن یا پیروز و پاقژە، پێدڤیە هەموو ڕۆژێن مە پڕی عەشق و ڤیان بن، چونکی ڤیانا بەردەوام بەختەوەریێ پەیدا دکەت دناڤبەرا مرۆڤاندا).
