هەکە تشتەک چوو دچاڤێ تە دا دێ چاوا دەرئێخی؟
پتریا تشتێن دچنە دناڤ چاڤی دا پێکهاتینە:
• توز
• کەرستێن جوانکاریێ
• مژوولانک
• خیز و ئاخ
ب ڤان رێکا تو دشێی ژ چاڤێ خوە دەربێخی:
ئێک: چاڤێن خوە باش بشوو، مژوولانکێن خوە باش ببە سەری و چاڤێن خوە ڤەکە، ژ ئاڤێ نەترسە و باشترە ئاڤا تێهنشیر بو پاقژکرنا چاڤی ب کاربینی، دێ باشتربیت کۆپەکی بینی و تژی ئاڤ کەی و چاڤێن خوە بشوو وەکو هەر ئەندامەکێ دیتر یێ لەشی، نەبێژە دێ تلێن خوە تەڕکەم و وێ ئاڤێ کەمە چاڤێن خوە.
دو: هەرە لبەر رۆناهیەکێ و باش سەحکە چاڤێ خوە و تو دشێی ب رێیا قودیکا روناهیێ چاڤێن خوە پشکنین بکەی، یان ب رێیا هەڤالەکی پشکنینا چاڤێن تە بکەت.
سێ: هەول نەدە چاڤێن خوە ب خورینی، چونکو دبیت زیانێ ل چاڤێ خوە بکەی و برینەکا ب مەترسی تێدا پەیدابکەی.
چار: پارچەکا پەمبی تەڕبکە چاڤێن خوە پێ ڤەمالە.
پێنج: چاڤێن خوە بزلقوتینە، یان بلەز بگرە و ڤەکە هەتا ئەو تشت ژێ دەردکەڤیت.
شەش: هەکە تو عەدەسا ب کاردئینی، پشت راستبە ئەو عەدەسە د پەقی یان دڕ نینن چونکو دێ بنە ئەگەرێ هەودانا چاڤی.
