هەکە چار سعەتا برنجی بهێلیە دناڤ ئاڤێ دا دێ چ چێبیت؟
ل دووڤ ڤەکۆلینەکێ، هێلانا برنجی ل ناڤ ئاڤێدا بۆ دەمێ چەند سعەتەکا بەری لێنانێ دشێت هاریکار بیت بۆ چارەسەرکرنا چەند کێشەیەکا، چونکو تەڕکرنا برنجی ل ناڤ ئاڤێدا کاریگەری ل سەر رێژەیا گلایسیمیک یا برنجی دێ هەبیت.
دکتۆر جی سوشما تایبەتمەندێ خۆراکیێ راگەهاند، هێلانا برنجی ل ناڤ ئاڤێدا، ب تایبەتی ئەو جۆرێن برنجێ کو ڕێژەیەکا بلند یا نیشال تێدا، دشیاندایە هاریکاریا کێمکرنا شەکرا خوینێ بدەت، ئەڤەژی دبیتە ئەگەرێ کێمکرنا مەترسیا بلندبوونا شەکرێ د خوینێدا پشتی خوارنێ.
ئەوژی روونکریە، دەمێ برنجی دهێلیە دناف ئاڤێدا بۆ چار سعەتا، تووشی هایدرۆلیسی ئەنزیمی دبیت، ئەڤەژی پرۆسەیەکە کو هندەک ژوان ئەنزیمێن ب شێوەیەکێ سروشتی ل برنجیدا هەین دەست ب دابەشکرنا کاربۆهیدراتێن ئاڵۆز بۆ شەکرا سادەتر دکەن، ب ڤی شێوەی ژی بۆ لەشی ب ساناهیترە کو برنجی هەرس بکەت و ئەو ماددەیێن خۆراکیێن تێیدا هەلبمژیت.
پشتراست کریە، کو ئەڤی کاری هیچ کاریگەرییەکا لاوەکی نینە دەمێ ب شێوەیەکێ ئاسایی ئەنجام بدەی، ئەو پێشنیار دکەت کو برنج زێدەتر ل چار سعەتا نەهێلنە ل ناڤ ئاڤێ دا، چونکو رەنگە ل وی دەمی هندەک ڤیتامین و کانزایێن ل ئاڤێدا دەست ب شلوڤەکرنێ بکەن، ل ئەنجامدا رێژەیا خۆراکێن گشتی کێم دبیت.
