هەیبەتا داعش ل كوبانێ هاتە شكانـدن
ديدار، سالار محةمةد دؤسكى:
4 – 5
چاڤكێن هەمی ترۆمبێلا مە زەرڤێن رەشێن گلێشی ئێخستنێ دا ل تاریێ بچین و هەمان دەم بارانەكا زورا دهێت و همان دەم تركێن بێژن دێ كەنگی چن؟ و من گۆتێ ئەگەر چووم دێ بێژمە هەوە و من گۆتە ئەفسەران دێ دەمژمێر (9) لڤینێ كەین و ب چ حالێ هەبیت دڤێت بچین چونكە جەنابێ سەرۆك (مەسعود بارزانی) ل سەر هێلە و هێزێن یەپەكێ ژی گەلەك تەنگاڤن و دڤێت ئەم لڤینێ بكەین و من گۆتێ ئەم هاتینە نەزڤرین ڤە و ئەم هاتینە ئەم هەمی بهێنە شەهیدكرن، ئەفسەرا گۆت فەرمان فەرمانا تەیە و گەلەك گوهدار بوون و دناڤبەرا ئەو جهێ ئەم روینشتی و سیمێ كوبانێ نێزیكی (10) كم و ئەگەر ترۆمبێل ل سەر (50) بچن دێ نیڤ دەمژمێر چیت و تاری و بارانەكا زور و دەمێ سیمە ڤەكری مە ب هزارا خەلك دیت هاتینە بەراهی یا مە و ب سەدان رۆژنامەڤانێن ناڤخوە و جیهانی وێنان بوومە دگرن و هەمان دەم هەوپەیمان پەیوەندی ب مە كر گۆت داعش كەمینەك ڤەدایە و (30) داعشن ب ژڤانن خوە ب هێزێن هەوە ڤە پەقینن و جەنابێ سەرۆك وەزیرێ پێشمەرگەی و شێخ سیهاد و ئەندامێن پەرلەمانێ كوردستانێ هەمی ل سەر هێل بوون و من گۆتە سەرۆكی مە لڤین كر گۆت دێ چار فرۆكە چاڤدێری یا هەوە كەن هەتا هوون دچنە دناڤ كوبانێ و هەوپەیمانا گۆت دێ چاڤدێربین و ئەم یێ هەوە بینین و گۆت هنداڤ هەوە ینە و داعش زانی ئەم دێ چینە ناڤ كوبانێ لێ ئەوا هزر دكر ئەم دێ ل دەرگەهێ دەسپێكێ دا چینە ناڤ كوبانێ وپلانا چوونێ بگشتی من گوهوری و دەمێ نێزیكی دەرگەهی بووین و ئەز ل گەل هەڤالان تاخفتم ژ نشكەكێ ڤە مە دیت بەرچاڤێن مە هەمی بوو ئاگر و تەقی و هەپەیمانا ئاگەهداركرم كو ئەو (30) چەكدارێن داعش هاتنە توبارانكرن ژلایێ فرۆكێن هەڤپەیمانا ڤە و رێك هاتە خوشكرن و گۆت هەرن ناڤ ئاخا سوریێ و ئێكەم ترۆمبێل ئەز چوومە ناڤ ئاخا سوریێ و عەرد تەقن بوو و ئێكسەر شەرڤان هاتن خوە ترۆمبێلا من وەركر و ماچی كرم من گۆتێ رێ بدەنە مە هەر زوو بگەهینە ناڤ ئاخا كوبانێ نوكە مە وەخت نینە و چەند بەرپرسێن شەرڤانا گۆتن دووڤ مە وەرە چونكە ئەڤە زەڤیا ئەلغامایە من گۆتێ تەقنە گەلەك بزحمەت تەقن هەم دناڤا وێ زەڤیێ را دەربازبووین، ب هەمی ترۆمبێلان ڤە گەهشتمە ناڤا كوبانێ ب سەلامەتی و دەمژمێر 11 ئەم گەهشتینە جهێ خوە و من ئەفسەر بەلاڤەكرن و شەرڤانا (عتاد) نەمابوو و بەركێن دوشكا بخوە دكرنە رومانە و دهاڤێتنە داعشا و گەلەك بتنێ چەند فیشەكێن كێم وەك تلێن دەستان مابوون و ئێكسەر من گۆتێ (عتاد) بەلاڤ بكەن، (20) خالێن شەرڤانا هەبوون و هەر (20) خال هاتن و هەر خالەكێ نێزیكی دو هزار فیشەكان مە ل سەر بەلاڤەكرن و روومانە و بەركێن قادیڤە ل سەر بەلاڤكرن و من گۆتێ ببنە خالێن خوە و دێ نوكە هێرشەكێ كەین ئەوا گۆت بهێنا خوە ڤەدەن، من گۆتێ نە نە دێ نوكە هێرشەكێ كەینێ دەمژمێر (12) هەمی بەرهەڤی هاتینەكرن و چەك دروست بوو و نێزیكی (10) پەزا بوومە هاتبوونە سەرژێكرن و پێشمەرگەی شیڤەك سەرپێ خوار و دەمژمێر دوو شەڤێ مە دەست ب هێرشێ كر و (21) شەڤ و رۆژا مە دەست ب هێرشێ كر و هەمان دەم وەك پێشتر مە ئاماژە پێكری مە جیهاز هەبوون و مە ئاگەهـ ژ دەنگێ داعشا هەبوو و ئەوا دگۆتن پێشمەرگە نوزا چەوا هاتنە دناڤا كوبانێ دا و هێزێن هەڤپەیمانان رۆلەكێ باش هەبوو و هەر جهێ مە دگۆتێ ب فرۆكان بوومە دهاتە توبارانكرن و (21) رۆژا نە ریهێن خوە نە پرچێن خوە مە نەشیشتن و هەر شەڤا دەسپێكێ دەمێ مە هێرش كری مە چەند جادێن درێژ ژ دەستێ داعش ئینانە دەر و رۆژا دووێ مە جادەكا 800 مەتری ژ دەستا ئینا دەر و جەنازێن وا ب سەدا كەفتنە بەر دەستێ پێشمەرگەی و شەرڤانان ماوێ (21) رۆژا ئەم شیاین ئاخا كوبانێ 50% بكەینە د دەستێ شەرڤانان و پێشمەرگەی دا و مە گازی ئاوارا كر و مە گۆتێ وەرنە ئەڤان خانیان دا و ل گەل دەزگەهێ خێرخازێ بارزانی دا مە تەنسیق كر و چەند لوریێن پێدڤیێن خوارنێ و مە گەهاندەنە ئاوارا و هەر شەڤ مە دەست ب هێرشا دكر و ئەو كەفتنە دبەرەڤانیێ دان ئەم گەهشتینە جهەكی شەرڤانا گۆت ئەڤی ئاڤاهی نێزیكی (50) داعشا تێدا هەنە و ئەم نەشێین سەرێ خوە راكەینن مە ل گەل هەڤپەیمانا ئاخفت دو ساروخ لێدان و هەر ئاڤاهی هەمی هاتە راستكرن و مە جهێ ئازادكری ل كوبانێ گەهاندە 80% و گەلەك ژ باژێری دەركەفتن و بتنێ باشوری و رۆژهەلاتی پیچەك مان و زێدەتر مە جهـ پاقژكرن و 38 رۆژا مام دووڤ دا جەنابێ سەرۆكی گۆتە سیداد بلا لیوا قهار بمینت من گۆتێ بلا جەنابێ سەرۆكی فەرمانا هەوەیە، ئێدی كاودان گەلەك خوش بوون و ئەم دناڤا كوبانێ دا چووین و هاتین، كوبانێ ئاڤاهی هەر نەمابوون..
فەرماندێ گشتیێ پێشمەرگەی ل كوبانێ ئەو ژی گۆت: ماوێ 25 رۆژا بوو ئەم ل كوبانێ رۆژەكێ ژ نیشكەكێ ڤە رابووین دەردوورێن كوبانێ هەمی بووینە ئاگر و مە هاتن و چوون كر و مە گازی مەزنێن شەرڤانان كر و گۆت: چەند ترۆمبێلێن داعش ژ باشور هاتینە و چەند رۆژهەلاتی و باكوری ژی توركیا معەسكەرێ خوە بەردایە و داعش چووینە تێدا و ئەو رێكا دەسپێكێ ئەم دا تێرا هێن چەند هەمەرێن داعش وێرێ بوون و نێزیكی هەشت هەمرا خوە ب مە ڤە تەقاندن و نێزیكی (70) شەرڤان شەهید بوون و هەر ترۆمبێلەكێ خوە ل جهەكی تەقاندن نەخوشخانێ و ئاسایش و هەر ئێك ل جهەكی و مە ئەو شەرڤان نە ڤەشارتن، ئەو معەسكەرێ باكور ئانكو یێ توركی داعش كەفتە تێدا و هێزێن توركا خوە ڤەكێشا و ئەو رێك مە هاتەگرتن و پشت مە ژی بوونە داعش و بەرپرسێن شەرەڤانان گۆت ئەم دێ هێرشێ كەین چونكە ئەڤە كەفتنە پشت مە و دێ ژ هەمی ئالیان ڤە هێرش كەڤیتە سەر مە، من گۆتێ ئەڤە عەردێ وەلاتەكی یە و دڤێت ل گەل سەركردایەتی یا كوردستانێ و جەنابێ سەرۆك بارزانی باخڤم و شەرڤانان گۆت بلا، ئێكسەر من ل گەل جەنابێ (سیداد بارزانی و مەسرور بارزانی) ئاخڤت و گۆت تویێ پشست راستی من گۆتێ بەلێ پشست راستم و ئەگەر هێرشێ نەكەین دێ ئان هێینە كوشتن یان دێ ب دەست هێنە دەستەسەركرن، جەنابێ سەرۆكی فەرمان دا لێدەم و مە هێرشكری معەسكەرێ توركی كر ئەوێ داعش هاتینە تێدا و هەر هەمی مە ستاند و مە (38) داعش گرتن و (48) جەنازێن وا كەفتنە بەر دەست و پێێن شەرڤانان و پێشمەرگەی و ئالایێ كوردستانێ و شەرڤانان مە دناڤا معەسكەرێ توركیا دا بلندكر و هێزێن توركیا گۆتە شەرەڤانا خوە ڤەكێشن ئەوا گۆت ئەم خوە ناڤەكێشین، چەكدارێن توركیا گۆتە شەرەڤانان بلا لیوا بهێتە كومبوونێ و هەمەرەك بوومن هنارت و پێ چوومە كومبوونێ و گۆت بۆچی هوون هاتینە سەر ئاخا توركی ؟ و دڤێت خوە ڤەكێشن و من گۆتێ داعش هاتیە تێدا و مە هێرشی داعش كریە و مە داعش شكاندیە و ب شەر مە گرتیە و من گۆتێ شەرڤان خوە نا ڤەكێشن و ب شەر ستاندیە و جەنەرالێن توركا گۆت نەخێر هەما هووین هاتینە من گۆتێ ئەڤە ئێخسیرێن داعش و ئەڤە جەنازێن داعش چەوا ئەم بخوە هاتینە وێرێ ؟ توركیا گۆت ڤێت خوە ڤەكێشن و شەرڤانا گۆت ئەم خوە ناڤەكێشین چونكە مە خودێ هەبوو و ئەو دەرگەهـ و جارەكا دی چوومە دەف جەنەرالێن تورك و من گۆتێ خوە ناڤەكێشێن و وسێ جارا من سەرەدان بۆ كر و گۆت ئەگەر شەرڤان خوە نەڤەكێشن ژ معەسكەری دێ ب دەبابا هێن و زڤریم من گۆتە شەرەڤانا و شەرڤانا گۆت لیوا سەرخاترا تە دێ خوە ڤەكێشین ئەگەر ئەم نەچووین بەلێ ب مەرج دێ خوە ڤەكیشین وەك پێشتر دەبابێن خوە بینە ڤێرە و رێك بلا هاتن و چوون وەك پێشتر هەبیت و خوارن بوومە تێرا بهێت چونكە من ل گەل خوارنگەهەكێ تەنسیق كربوو و خوارن بوومە دهات و ئەوا گۆت بلا و رازیبوون و خوە ڤەكێشا وبگشتی 150 شەرڤان ل كوبانێ نەمابوون هەر هەمی شەهید ب بوون و گەلەك دشەرەكەر و زیرەك بوون، گەلەك جاران هەر هێرشەكا داعش نێزیكی (200) داعشا پێكڤە هێرش دكر و هەر هەمی دهاتن كوشتن و گرتن و كەسەك قورتال نەبوو و ئەوێن دهاتنە دەستەسەركرن مە پرسیار ژێ دكر و دەمێ ئەم دیتین مەندەهوش بوو كو ئەم موسلمانین و بەردەاوم مە شەرەڤان ڤەشارتن و هەیبەتا داعش ل كوبانێ هاتە شكاندن و دووڤ دا ئەرکێ مە ب دووماهی هات و جەنابێ سەرۆكی پەیوەندی ب من كر و گۆت تو وەستایی وەرە وی دەمێ وێرێ سێ جاران جەنابێ سەرۆكی بوومن (عتاد) فرێكر و جەنابێ وی گۆت تو وەستایی سوباهی وەرە و (عەمید شەوكەت) هاتە جهێ من و دوو رۆژا مامە ل گەل من جهـ نیشادان و زڤریم و پشتی ڤەگەریایم بورینا ماوەكێ كێم جارەكا دی چوومە شەرێ داعش و پشكداربوویمە ل شەرێن زمار و شنگال و هەمی شەرێن داعش پشكداربوویمە.
