واتسئاپی دۆگمه‌كا نوو بۆ كامیرێ زێده كر
به‌ری چه‌ند رۆژێن كێم، واتسئاپی دوگمه‌كا نوو زێده كر، ئه‌ڤه د ده‌مه‌كی دایه كو رۆژانه ئه‌م تایبه‌تمه‌ندیه‌كا كۆمپانیا مێتا ل سه‌ر ئێك ژ تۆڕێن وێ دبینن و دكه‌ڤیته به‌ر ده‌ستێ كه‌سێن ب ره‌نگێ تێست ب كار دئینن.
دووماهیی خزمه‌تا كۆمپانیا ناڤبری بۆ ئه‌پلیكه‌یشنێ خوه یێ ناڤدار واتسئاپی زێده كری، زێده‌كرنا دوگما كامیرێ یه ب ره‌خ لیگه‌ری ڤه ل سه‌ر سیسته‌مێ ئه‌ندرۆید، به‌لێ هێشتا ب دروستی ژی نه‌هاتیه زانین كا وه‌كو تایبه‌تمه‌ندی ئه‌ڤ كاره ئه‌نجام دایه یان ژی ژ ئه‌گه‌رێ خه‌له‌تیێ بوویه.
واتسئاپی د دانه‌یا خوه یا نووكری یا نوو دا ب ژماره 2.22.19.7 كامیره‌كا نوو ل نێزیك لێگه‌ری ل سه‌رێ واتسئاپی ل سه‌ر وی دیوارێ كه‌سك دانایه و جارێ ب تنێ بۆ هنده‌ك كه‌سێن تایبه‌ت به‌رده‌سته.
