واتسئاپ ل دووڤ داخوازیا بكارئینەرێن خۆ دهێت
ب گۆرەیی ئاژانسێن دەنگوباسێن گرنگیێ ب تەكنولوژیایێ ددەن ددەنە دیاركرن كو واتسئاپ دێ ژمارەیەكا گوهۆڕین و ساخلەتێن نوو بۆ بكارئینەرێن بەردەست كەت.
ئابدەییتا بهێت ژ ئەپلیكەیشنێ واتسئاپی بۆ هەردو سیستەمێن ئەندرۆید و iOS دێ ژمارەیەكا گوهۆڕینان تێدا هەبن.
ل گۆرەیی مالپەرێ webetainfo؛ ڤێرژنێ تێست یێ واتسئاپی 24.10.10.70 یێ تایبەت ب سیستەمێ iOS ساخلەتەكێ نوو بۆ پاراستنا تایبەتمەندیا بكارهینەری تێدا هەیە ئەو ژی چ بكارهینەر نەشێت وێنەیێ پرۆفایلی یێ بكارهینەرەكێ دی سكرینشووت بكەت (ئانكو وێنەیەكێ بۆ بگریت). ئەڤە ژی ئەوە یا ماوەكێ درێژە بكارئینەران چاڤەرێ دكر.
ژ گوهۆڕینێن نوو د واتسئاپی دا، دێ گوهۆڕین د رەنگێ كەسك یێ ئەپلیكەیشنی دا هەبیت دا كو ئایكۆن icon و خانەیێن نوتیفیكەیشنان باشتر دیار ببن.
هەروەسا د رەوشا تاڕی Dark Mode د واتسئاپی دا دێ هندەك ساخلەت تێدا هەبن كو دەمێ مرۆڤ تەماشەیی شاشەیێ بكەت، چاڤێن مرۆڤی گەلەك ماندوو نەبن.
وەكو دیار واتسئاپ ئێك ژ وان ئەپلیكەیشنێن ژمارەكا زۆر بكارئینەران هەیە و تۆڕا سیێ یا جیهانێ یە ب گۆرەیی بكارئینەران و چەند ئەگەر هەنە بووینە ئەگەر بۆ ڤێ مەرەمێ. ژ وان ژی كو بەرنامەكێ ب هەروەیە ب تنێ پێدڤی ب ئەنترنێتێ هەیە و دشیان دایە تو هەموو ژیانا خۆ بكاربینی و پارەیی نەدەیی.
دیسا ب ساناهیا كاركرنێ ژی ئێك ژ ئەگەرایە. دیسا ئامیرەكێ سادەیە بۆ رەوانەكرنا نامەیان و وەرگرتنا تلەفۆنان. دیسا یا هەموویان گرنگتر ئەوە كو ریكلام تێدا بن.
