وارڤین ئەمین: بەری راگەھاندنێ من ئەکتەری کریە و تامەکا جودا ژێ دبینم
ئەڤرۆ، شاکر ئەتروشی:
وارڤین ئەمین، ئەکتەر و پێشکێشکار د دیدارەکێ دا بۆ رۆژناما ئەڤرۆ دیارکر، بەری ئەو بھێتە دبۆارێ راگەھاندنێ حەزا سینەمایێ ھەبوو، لەورا وەک ئەکتەر پشکداری د سێ فلمان دا کریە، دووڤدا بوویە پێشکێشکار و نوکە بەرنامەکێ ھونەری یێ حەفتیانە ل سەر شاشا کەنالەکێ عەسمانی پێشکێس دکەت.
وارڤینێ گۆت: بەرنامێ حەفتیا ھونەری بەرنامەکێ حەفتیانەیە ل سەر شاشا وار تیڤی دھێتە پێشکێشکرن، تێدا نووترین بابەت و پێشھاتێن ھونەری بەلاڤ دکەم، ھەروەسا ھندەک جاران کارێ پەیامنێریێ ژی دکەم و ھیڤیا من ئەوە ب رێیا بەرنامێ خوە بشێم پترچاند و ھونەرێ کوردی بدەمە نیاسین، بۆ زانین ھەتا نوکە من ل چار کەنالان کارکریە و ل دەمێ کارکرنێ چو پێ نەڤێت دێ ھەرخۆشی و نەخۆشی ھەبن، بەلێ ئەز ڤی تشتی ب کەنالان ڤە گرێنادەم، لەورا نەشێم بێژم کیژ کەنالان بۆ من خۆشتر بوو، دەربارەی ریکلامان ژی بەلێ من د ریکلامان دا کار کریە لێ بەری دەمەکێ درێژ بوو، دەربارەی سینەمایێ ژی وەک ئەکتەر من پشکداری د سێ فلمان دا کریە و من دڤێت یا بەردەوام بم، چنکو ئەز تامەکا جودا ژێ دبینم، بۆ پاشەرۆژێ ژی من دڤێت بەرددەوام داھێنانێ بکەم و نوویاتیێ د کارێ خوە دا بکەم، ھەروەسا من دڤێت ببمە پرەک دناڤبەرا خەلکی و دەستھەلاتێ دا.
