وه‌رزشا (تاباتا) یا ب ساناهی یه و گه‌له‌ك كارتێكرن بۆ سۆتنا روینان هه‌یه، دێ چاوا ئه‌نجام ده‌ی؟
ئه‌ڤرۆ، به‌رپه‌رێ ساخله‌میێ:
ئه‌ڤا ل خوارێ ته‌كتیكه‌كا وه‌رزشی یا تایبه‌ته كو ب شێوازێ وه‌رزشا تاباتا Tabata دهێته بناڤكرن و ژلایێ ڕاهێنه‌ره‌كێ ژاپۆنی ب ناڤێ Dr. Izumi Tabata دانایه، كو گه‌له‌ك یا ب مفایه بۆ سۆتنا روینان ب له‌ز:
چاوا وه‌رزشا Tabata دێ ئه‌نجام ده‌ی:
پێنگاڤا ئێكێ: پیچه‌ك ل جهێ خوه له‌شێ خوه بلڤینه هه‌تا گه‌رم دبیت و هه‌ول بده وه‌رزشێ ل جهه‌كێ گه‌رمدا ئه‌نجام بده‌ی.
پێنگاڤا دوێ: ده‌مژمێرا وه‌رزشێ ئاماده بكه.
پێنگاڤا سیێ: خوه ئاماده بكه بۆ غاردانێ و هندی بشێی بۆ ده‌مێ 20 چركا غاربده.
پێنگاڤا چارێ: بۆ ده‌مێ 10 چركا بێهنا خوه ڤه‌ده.
پێنگاڤا پێنجێ: كارێ ل سه‌ری دوباره بكه، 20 چركا بكه غار و 10 چركا بێهنا خوه ڤه‌ده، ئه‌ڤی كاری 6 بۆ 8 جارا دوباره بكه هه‌تا 4 خوله‌ك ته‌مام دبن.
پاشی ماسولكێن خوه نه‌رم بكه.
