وه‌رزێ ره‌وشه‌نبیرى و هونه‌رى ل ده‌ڤه‌را بارزان ده‌ست پێ كر
ئه‌ڤرۆ نیوز، نه‌وزاد هلۆرى:
بو ئێكه‌مین جار ل سنوورێ ده‌ڤه‌را بارزان وه‌رزه‌كێ ره‌وشه‌نبیرى و هونه‌رى ده‌ست پێ كر و تێدا دێ كومه‌كا سمینار و ورگ شوپ و رونشتنان لسه‌ر چه‌ند پرسه‌كێن گرنگ ل ده‌ڤه‌را بارزان هێنه ئه‌نجام دان و بو چه‌ند روژان یا به‌رده‌وام بیت.
موسلم دوله‌مه‌رى، ژ وه‌رزێ ره‌وشه‌نبیریێ و هونه‌ریێ بارزان بۆ ئه‌ڤرۆ نیوز گۆت: (به‌شى ره‌وشه‌نبیریێ ده‌ڤه‌را بارزان ب هه‌ڤكارى ل گه‌ل رێڤه‌به‌ریا گشتى یا ره‌وشه‌نبیرى و هونه‌رى یا هه‌ولێر و دام و ده‌زگه‌هێن ده‌ڤه‌را بارزان ئه‌ڤرۆ ده‌ست ب وه‌رزه‌كێ ره‌وشه‌نبیرى كر ل ده‌ڤه‌را بارزان و دێ كومه‌كا رونشتن و سمینار و ورگ شوپان لسه‌ر چه‌ند پرسه‌كێن گرنگ ل ده‌ڤه‌را بارزان راوستن و دانوستاندنێ لسه‌ر كه‌ن).
زێده‌تر گۆت: (وه‌رزێ ره‌وشه‌نبیرى و هونه‌ریێ بارزان دێ هه‌تا رۆژا 13/9/2018 یێ به‌رده‌وام بیت، و روژانێن داهاتى دێ دانوستاندن لسه‌ر گه‌نج و پروسه‌یا هه‌ڤژینیێ و گه‌نج و گه‌رنتیێن جڤاكى د چارچوڤێ قانونى دا ، و دیسان كارتێكرنا ره‌وشه‌نبیریا قانونى بو كێمكرنا رێژا تاوانان و ئه‌گه‌رێن كوچكرنا گه‌نجێن ده‌ڤه‌را بارزان بو باژێران و تمامكرنا خواندنێ هێته به‌حسكرن و تێدا كومه‌كا دكتور و ماموستایێ، زانكویێ دانوستاندنێ لسه‌ر كه‌ن و ئه‌نجامێن وێ ب مه‌ره‌ما چاره‌سه‌ركرنێ بو رایا گشتى و لایه‌نێن شوله‌ژێ بلند كه‌ن).
