وه‌رن دا چاڤێن سه‌لامی ژ تاریێ رزگار كه‌ین
شاكر ئه‌تروشی
ئه‌ز دبێژم كه‌س ژمه نینه هونه‌رمه‌ندێ ناڤدارێ دهۆكێ (عه‌بدولسه‌لام سلێمان) به‌رنیاس ب (عه‌بۆ) نه نیاسست، یان فلم و زنجێرێن وی یێ ته‌له‌فزیۆنی نه دیت بن، ب تایبه‌ت ژی ل سالا 1992 ده‌مێ ئێكه‌م كه‌نالێ ته‌له‌فزیۆنی ل دهۆكێ ب ناڤێ (خه‌بات) كو نوكه بووبه دهۆك تیڤی ڤه‌بووی، ئه‌ڤی هونه‌رمه‌ندێ ل گه‌ل چه‌ند هه‌ڤالێن خوه رۆله‌كێ كارا د پێشڤه‌برنا ئاستێ دراما كوردی دا هه‌بوون، ب تایبه‌ت ژی ده‌مێ وان زنجیره خه‌لكێن (وژدان) پێشكێشكرین، كو هه‌تا نوكه ژی وان خه‌له‌كان تام و ره‌واجا خوه هه‌یه و چو جاران كه‌ڤن نابن.
هه‌ڤالان یامن دڤێت ل ڤیرَه بێژم كو ئه‌ڤه پتری ساله‌كێ یه كاك عه‌بدولسه‌لام یێ تووشی نه‌خۆشینا خوین به‌ربوونا چاڤان بی و ژ به‌ركو به‌رده‌وام فشارا وی یا بلنده هه‌تا نوكه چاڤێن وی چاره‌نه بووینه و رۆژ بۆ رۆژێ رۆناهیا هه‌ردو چاڤێن وی یا كێم دبیت، تشتێ بۆ هاتیه‌كرن حه‌فت جاران ل نه‌خۆشخانه‌كا ئه‌هلی ل هه‌واێرێ و سێ جاران ژی ل دهۆكێ، ئانكو ئه‌ڤه ده‌ه جاران ده‌رزیك بۆ چاڤێن وی هاتینه دانان، هه‌روه‌سا پاقژكرن ژی، و هه‌ر جاره‌كێ نێزیكی ملیۆن دیناران لێ هاتینه مه‌زاختن، لێ ئه‌ڤه نه چاره‌سه‌ریا دووماهیێ و نۆشداران گۆتیه چاره‌سه‌ریا چاڤێن ته دێ ل وه‌لاتێ ئیرانێ هه‌بیت و چه‌ند تۆ زووتر بچی دێ باشتر بیت، له‌ورا وه‌ك ئه‌ركه‌كێ مرۆڤایه‌تی وه‌رن دا ئه‌م هه‌موو پێكڤه سه‌حكه‌ینه رێیه‌كێ دا ببنه ئیرانێ، چنكو كاك سه‌لام فه‌رمانبه‌ره ل رێڤه‌به‌ریا ره‌وشه‌نبیری و بتنێ یێ ب هیڤیا مووچه‌كێ كێم ڤه ئه‌وژی تێرا زارۆكێن وی ناكه‌ت و هیڤیا من ئه‌وه كه‌سێن خێرخواز و خودان كۆمپانی وی ژبیرنه‌كه‌ن،.
