وهزارهتا باژێرڤانی و گهشتوگوزار: ل دووماهیا ئهڤ ساله دڤێت ههموو پشكدار پیڤهرێ ئاڤێ دانن
ههولێر: سولین سلێمان
ل دۆر بریارا وهزارهتا باژێرڤانی و گهشتوگوزار، ل دووماهیا ئهڤ ساله ههر مالهكێ پیڤهرا ئاڤێ نهگرێدهت ل دووڤ سیستهما كهڤنا بهرێ پاره دێ ژێ هێته وهرگرتن. ل تهڤایا باژێرێن ههرێما كوردستانێ پتر ژ 700 هزار پیڤهر هاتینه دانان.
ئاری ئهحمهد، رێڤهبهرێ گشتیێ ئاڤا ههرێما كوردستانێ بۆ رۆژناما ئهڤرۆ دیار كر “ههر ژ سالا ٢٠١٥ ڤه ل دۆر بریارهكا حوكمهتێ پیڤهرێ ئاڤا مالان یێ چوویه د وارێ جێبهجێ كرنێ دا، ل تهڤایا باژێرێن ههرێما كوردستانێ پتر ژ 700 هزار پیڤهر هاتینه دانان، لێ زۆر ژ جهێن بازرگانی و پیشهسازی و چاندنێ هێشتا پێگری ب گرێدانا پیڤهرا ئاڤێ نهبووینه، خهلكهكێ زۆر ژی هاتینه ئاگههدار كرن كۆ پێدڤیه ئهڤ پیڤهره بهێنه گرێدان، دا كو ههیڤانه پارهكێ زۆر ژ وان نههێته ب ههدهر دان.
خویا كر “ئهڤ بریاره ل بهروارا 20 كانونا دوێ یا ئهڤ ساله دێ ب دوماهی هێت و ئهو كهسێن ئهڤ پیڤهره گرێنهداین تا نۆكه پارهكێ زۆر ژ بۆ وێ ب ههدهر دچیت، لێ ئهگهر پێگیر بیت ب گرێدانا پیڤهرا ئاڤێ ههیڤێ تنێ 10,20 هزارا دێ ژ بۆ ڤهگهریت.
ئاماژه كر”ژ بهر رهوشا داراییا وهلاتیان حوكمهتا ههرێما كوردستانێ ب چهندین ههیڤان ماوێ گرێدانا پیڤهرێن ئاڤێ درێژ كریه ب شهش ههیڤان تا نهه ههیڤان پێخهمهت وهلاتی زهرهرمهند نهبیت و گۆت: ل ههرێما كوردستانێ پتر ژ ئێك ملیۆن و 40 هزار ههڤپشكێن ئاڤێ ههنه ئهوێن تا نۆكه پیڤهرێن ئاڤێ گرێدای پتر ژ 700 هزار ههڤپشكن و ل دووماهیا ئهڤ ساله ههر كهسێ پێگری نهبیت ب سیستهما كهڤن پارهكێ زۆر دێ ژ هێته وهرگرتن، هیڤیدارم ههر وهلاتیهك پیڤهرێن ئاڤێ ژ بۆ مالێن خوه گرێبدهن دا كو مفای ژێ بینن و پارهكی كێمتر ژ بهرێ بهێته دان.
